గ్రహ స్థితులు, అనారోగ్య విషయాలు

 గ్రహ స్థితులు, అనారోగ్య విషయాలు

మహాశ్వాసం ( Dysproea ) - శుక్రుడు . 

ఉన్మాదం ( Insanity ) - శుక్ర,రాహు,చంద్ర,శని 

ధనుర్వాతం ( Titanus ) - రవి,శని కలయిక కాక రవి,కుజ,శని కలయిక .

పక్షవాతం ( Paralysis ) - శని. 

అవతంత్రకం ( Hysteria ) - కుజ,శని.

మూగతనం ( Apasia ) - బుద,కేతువు . 

వాత రక్తం ( Gout ) - శని,శుక్రులు . 

ఆమవాతం ( Rhumatism ) - శని . 

నొప్పి - ( Colic ) - శని, కుజ,రాహువు.

పరిణామ శూల ( Gastral Gokennosis ) - శని, కుజ, రాహువులు .

హుద్రోగములు - ( Heart ) శుక్రుడు . 

మూత్రక్రుచ్చం ( Dysuria ) - కుజ, బుధులు . 

జలోదరం ( Ascties ) - కేతువు ,బుదుడు .

మూత్రజ వృద్ది ( Hydrocele ) - బుదుడు.

మశూచి (  pox ) - బుద,కేతు,కుజులు .

చెవుడు ( Deafness ) - శని. 

తలనొప్పి ( Headache ) - కుజ,రాహువులు 

 గర్భస్రావం ( Abortion ) - రవి,గురులు .

టై ఫా యి డు దీనిని సన్నిపాత జ్వరం అంటారు.ఇది గురు – బుధ గ్రహాల సంభందం వలన వస్తుంది.

డయబె టిక్ అనగా మధు మేహం ఇది గురు – బుద గ్రహాల వలన వస్తుంది.

జాండిస్ అనగా కామెర్లు అంటారు. ఇది గురు – శుక్ర గ్రహాల వలన వస్తుంది.

రాచ పుండు ఇది రవి గ్రహం వలన వస్తుంది.

మలేరియా ఇది శని గ్రహం వలన వస్తుంది.

అతిసారం ఈ వ్యాధి కుజుడు, బుదుడు,శని, కేతువు మొదలయిన గ్రహాల సంభందం వలన వస్తుంది.

మొలల వ్యాధి కుజ – రాహు గ్రహాల సంభందం వలన వస్తుంది.

అజీర్ణ వ్యాధి ఇది శని గ్రహం వలన వస్తుంది.

క్షయ వ్యాధి శుక్ర గ్రహ ప్రభావం వలన వస్తుంది.

ఉబ్బసం శని, బుదుడు, కేతువు గ్రహాల ప్రభావం వలన వస్తుంది.

ఉన్మాదం రవి , కుజుడు, శని కలయిక వలన వస్తుంది.

ధనుర్వాతం ఇది రవి, కుజుడు, శని కలయిక వలన వస్తుంది.

పక్షవాతం ఇది శని ప్రభావం వలన వస్తుంది.

కుంటి తనం శని గ్రహ ప్రభావం వలన కలుగుతుంది.అన్ని రకాల వాతాలకు శని గ్రహ ప్రభావమే కారణం.   

  మూగతనం ఇది బుద, కేతు గ్రహాల ప్రభావం వలన వస్తుంది.

గౌట్ దీనిని వాత రక్త వ్యాధి అంటారు.ఇది రవి, శుక్ర గ్రహాల ప్రభావం వలన వస్తుంది.

శూల నొప్పి ఇవి శని, కుజ, రాహు గ్రహాల ప్రభావం వలన కలుగుతాయి.

గుండె రోగాలు ఇవి శుక్ర గ్రహ ప్రభావం వలన కలుగుతాయి.

హెర్నియా దీనిని బుడ్డ గిలక అంటారు.ఇది బుద గ్రహ ప్రభావం వలన కలుగుతుంది.

భయంకర చర్మ వ్యాధులు ఇవి కేతువు , శుక్ర , చంద్ర గ్రహాల ప్రభావం వలన కలుగుతాయి.

దంత రోగాలు ఇవి గురు, శని గ్రహాల ప్రభావం వలన కలుగుతాయి.

చెవుడు ఇది శని గ్రహ ప్రభావం వలన కలుగుతుంది.

తలనొప్పి ఇది కుజుడు, రాహువు గ్రహాల ప్రభావం వలన వస్తుంది.

ఉబ్బు రోగాలు ఇవి కేతువు గ్రహ ప్రభావం వలన కలుగుతుంది.

కాన్సర్ ఈ భయంకర వ్యాధి రవి, కుజ,గ్రహాల ప్రభావం వలన వస్తుంది.

స్త్రీ తెల్ల బట్ట ఇది కుజుడు , శుక్రుడు గ్రహాల ప్రభావం వలన వస్తుంది.

స్త్రీల ఎర్రబట్ట ఇది రవి, కుజుడు గ్రహల వలన వస్తుంది.

గోడ్డ్రాలితనం ఇది కుజ ,శని,బుద,శుక్ర గ్రహాల కలయిక వలన వస్తుంది.

ముఖ్యంగా:-

1. నేత్ర రోగములకు రవి,శుక్ర,రాహువులు కారకులు. 

2. రక్త సంబంధమైన రోగములకు రవి కారకుడు. 

3. నరములకు సంబంధించిన అనారోగ్యములకు శని  కారకుడు. 

4. దంతరోగములకు కుజ,శనులు కారకులు. 

 5. కర్ణవ్యాధులు(చెవినొప్పి) మొదలగు వాటికి కుజ, శనులు కారకులు. 

6. శిరోవ్యాధులు అనగా తలనొప్పి మొదలగు వాటికి శని,కుజులు కారకులు. 

7. స్త్రీల తెల్లబట్టలకు కుజ,శని,రాహువులు కారకులు. 

8. పురుషుల వీర్య నష్టమునకును  కుజ,శని,రాహువులు కారకులు. 

9. గర్భస్రావమునకు కుజ,శుక్రులు,  రవి,గురులును కారకులు. 

10. పక్షవాతమునకు శనియు కారకులు. 

11. ఉన్మాదము,పిచ్చి మొదలగు రోగములకు శని,రాహు,శుక్ర,చంద్రులను  కారకులు.

12.పచ్చకామెర్లకు గురు,శుక్రులును కారకులు. 

13. ధనుర్వాతమునకు రవి,శనులు గాని,  రవి,శని,కుజులు గాని కలసిఉండగా  వారి దశల యందు కలుగును. 

14. సర్వాంగ పక్షవాతమునకు శనియు కారకులగుచున్నారు.

15. కుష్టు, బొల్లి మొదలగు వాటికి కేతువు,చంద్రుడు,శుక్రుడు, శని,కుజులును కారకులు. 

16. రాచకురుపులకు రవియు కారకులు. 

17. వ్రణములకు కుజుడును కారకులు. 

18. అజీర్ణమునకు శనియు కారకులు. 

19. కలరాకి కుజుడును కారకులు. 

20. సకలవాతరోగములకు శనియు కారకులు. 

21.బుడ్డగిలకలకు బుధుడును కారకులు. 

22. వంధ్యాత్వమునకు  శని,బుధ,కుజ,శుక్రులు కారకులు. 

23. స్త్రీల పురిటికి సంబంధించిన రోగములకు....పంచమస్థానములో వున్న గ్రహములను బట్టియు, పంచమస్థానమును బట్టియు 

తెలుసుకొనవలయును

అశుభ వ్యాధి సూచక యోగములు

1. జన్మలగ్నమునకు  అష్టమస్థానమందు ఏ గ్రహము గాని లేనపుడు,  ఆ అష్టమ స్థానమును ఏ గ్రహము చూచుచుండునో,  అట్టి గ్రహము యొక్క ధాతు ప్రకోపముచే మృతి సంభవించును. 

రవి....పిత్త ప్రకృతి, 

చంద్ర...కఫవాత ప్రకృతి, 

కుజుడు....పైత్య ప్రకృతి, 

బుధుడు....త్రి దోషములను గలవాడు.

గురుడు....కఫ ప్రకృతి. 

శుక్రుడు....కఫవాత ప్రకృతి, 

శని....వాత ప్రకృతి గలవారలు.

1. అష్టమస్థానమందు  రవి యున్నపుడు ఊష్ణగుణోద్రేకము వలన మృతి సంభవించును. 

2. అష్టమస్థానమందు చంద్రుడు ఉన్నపుడు  జలదోషముచే మృతి కలుగును.

3. అష్టమమందు కుజుడుఉన్నపుడు ఆయుధ ప్రహారముచే మృతి కలుగును. 

4. అష్టమమందు గురుడున్న ఆమవ్యాధిచే గాని, లేక 

తెలియబడని  రోగముచే గాని మృతి యగును.

5. అష్టమమందు బుధుడున్న జ్వర  భేధముచే మృతి కలుగును. 

6. అష్టమమందు శుక్రుడున్న విదాహముచే మృతి కలుగును. 

7. అష్టమమందు శనియున్న అజీర్ణ నిమిత్తక క్షుద్ధోషముచే మృతి యగును. 

ఈ అష్టమ స్థానము చరరాశి యయినపుడు పరదేశమందు మరణము సంభవించును. 

ఈ అష్టమ స్థానము స్థిరరాశి యయినపుడు  స్వదేశమందు  లేక  స్వగృహమందు మృతుడగును.

ఈ అష్టమ స్థానము ద్విస్వభావ రాశి యయినపుడు 

మార్గమధ్యమందు మృతి కలుగును.

గురు గ్రహ స్థితిలో

కాలేయము అనునది మానవ దేహమును ఆరోగ్యమునకు దోహదపడు ప్రముఖమయిన అవయవము.ఈకాలేయము నందు వివిధ రకాల అనారోగ్యములతో ఎన్నో వ్యాధులు సంభవించును,

ఇది ఉదరము నందు కుడి భాగము నందు ఉంటుంది.మనకు ఈ అవయవము జ్యోతిశ్శాస్త్రములో జాతకుని జన్మ లగ్నము నుండి 5 వ భావము కలి పురుషునికి కూడ 5 వ భావము అనగా సింహము నందు భావ కారక ఆధిపత్యము పొంది ఉన్నది.

 ఈ కాలేయము అతి దగ్గర సంభంధమును ఉదరమునకు కుడు భాగమున వేనక వైపు ఉన్న క్లోమ గ్రంధితో సంభంధము కలిగి ఉంటుంది. ఈ కాలేయము క్లోమ గ్రంధి నుండి స్రవించబడు క్లోమ రసముతో  జీర్ణాశయములో మనము సేవించిన ఆహార జీర్ణ ప్రక్రియ జరుపును ఇట్టి జీర్ణ ప్రక్రియ కాలెయములో నుండు పైత్య రసము ఆహారమును చిన్న చిన్న కణములుగా విభజించి క్లోమ రసముతో జీర్ణ ప్రక్రియకు   తోడ్పడును ఇట్టి కాలెయ ప్రక్రియ సక్రమ నిర్వాహణ జరగలేనిచో ఆయుర్వేదము నందు తెలిపిన పిత్తము వలన మానవ దేహమునకు చాలా వ్యాధులు సంభవించును.

ఇట్టి కాలేయమునకు కారక గ్రహము బృహస్పతి మరియు క్లోమ గ్రంధికి కూడాను అలాగే పైత్య రసమునకు బుధుడు కారక గ్రహము, జాతకుని జన్మ లగ్నము నుండి 5 వ భావము మరియు భావాత్ భావమును అనుసరించి తొమ్మిదొవ భావము భావకారకత్వ ఆధిపత్యము పొందినవి కాల పురుషుని నుండి 5 వ భావము అలాగే తొమ్మిదో భావము  అనగా సింహ-ధనుర్లగ్నాలను పరిగణలోకి తీసుకోవలెను,బుధ గ్రహాన్ని కూడా వ్యాధి కారకముగా ఫలిత సాధనలో తీసుకోవలెను.బృహస్పతి మరియు బుధుల స్థితుల వలన ఏర్పడిన వ్యాధి కొద్ది కాలములో ఉపశమనము కలుగును కాని ఐదు,తొమ్మిది భావములలో అశుభ గ్రహ స్థితి లేదా వీక్షణ కలిగి ఉన్నా వచ్చు వ్యాధులు ధీర్ఘకాలము అవస్థలపాలు చెయ్యును.వ్యాధుల నిర్దారణ-గ్రహ స్థితులు..

  1) బృహస్పతి కాలెయమునకు కారకుడు ఈ బృహస్పతి తో కలిసి లగ్నము నందు కాని పంచమ నవమ భావాలలో గాని అశుభ గ్రహ స్థితి లేదా వీక్షణ గాని ఉన్నను లేక నవాంశలో వీటి కలయిక ఉన్నను వ్యాధుల భారిన పడును.

2)ఐదవ భావాధిపతి 6,8,12 లలో అశుభ గ్రహముతో కూడి యున్న లేదా వీక్షణ లు కలిగి యున్న వ్యాధులు సంభవించును

3) నవాంశ యందు పంచమ,నవములలో గురు శనులున్న సంభందిత వ్యాధులు సంభవించును.

4)కుజ-శని -రాహు లేక కేతువు లతో పంచమ భావాధిపతి లేదా నవమ భావాధిపతితో కూడియున్న కాలెయ వ్యాధులేర్పడును

5) అయిదవ లేదా తొమ్మిదవ భావాధి పతుల సంభంధము నవాంశ యందు కలిగియున్న వ్యాధులు సంభవించును.

6) బుధ--కుజులు షష్ఠాధి పతితో పంచమమున లేదా పంచమాధి పతిని వీక్షించిన పైత్య రసము గట్టి పడి రాళ్ళు ఏర్పడే అవకాశము కలదు

7)ఆహారము సమయానికి తీసుకోక పోవడము వలన పైత్యరసము వేడెక్కి ప్రేవులకు రంధ్రములేర్పరిచి అల్సర్ వ్యాధిని కలిగించును ఇది బుధ-రవి-గురు కాంబినేషన్లో సంభవించును.

8)చంద్ర-బుధ/శుక్ర-బుధు ల వలన పచ్చ కామెర్లు,తెల్ల కామెర్లు ఏర్పడే అవకాశము కలదు.లేద వీటిపై అశుభ గ్రహ వీక్షణ కలిగిన ఈ వ్యాధులు సంభవించును.

క్యాన్సర్

మానవ శరీరం ఎన్నో కణాలు సముదాయాలతో నిర్మిత మవుతుంది.సాధారణంగా కణజాలు పెరిగి విభజన చెందుతాయి. ఈ విభజన కణాల అభివృద్ధి శరీరమును ఆరోగ్యంగా ఉంచడంలో ప్రముఖ పాత్ర పోషిస్తుంది. కొన్నిసార్లు ఈ క్రమబద్దీకరణ అదుపు తప్పుతుంది. శరీరానికి అవసరం కాకపోయినా కొత్త కణాలు ఏర్పడతాయి. పాప కణాలు  క్షీణించ వలసిన సమయంలో క్షీణించవు.

ఈ విధంగా ఏర్పడిన కణాల సముదాయం కంతి లాగా గడ్డలాగా ఏర్పడతాయి దీనిని క్యాన్సర్ గడ్డ అంటారు. మరణ కంతి అని రాచ కురుపు అని కూడా అంటారు. కొన్ని గడ్డలు అపాయకరమైనవి కావు.వీటిని క్యాన్సర్ గడ్డలు అని అనరు. శస్త్ర చికిత్స ద్వారా వీటిని తొలగించవచ్చు.

అపాయకరమైన కంతులు,

ఈ కంతుల లోని కణాలు అసాధారణంగా వుంటాయి. ఇంకా అవి నియంత్రణ లేకుండా విభజన చెందుతూ పోతాయి. ఇవి తమ చుట్టూ ఉన్న కణజాలంలోనికి చొచ్చుకొనిపోయి వాటిని విచ్ఛిన్నం చేస్తాయి. ఈ క్యాన్సర్ కణాలు కంతుల నుండి విడిపోయి దూరంగా రక్తస్రావం లోకి లేదా శోషరస వ్యవస్థలోకి చేరుతాయి. క్యాన్సర్ వ్యాధి ఆకస్మికంగా వచ్చే వ్యాధి ఇది ప్రాణాంతకమైనది, మరణానికి దారి తీస్తుంది.

జ్యోతిష కారణాలు చాలా ఉన్నప్పటికీ క్లుప్తంగా

రాహు లగ్నంలో గాని చంద్రునితో గాని ఆరవ ఇంటిలో గాని పీఏసీ పొందితే క్యాన్సర్ వచ్చుటకు అవకాశం ఉంటుంది.

ఆరవ భావాధిపతి లగ్నంలో గాని,ఎనిమిదవ భావం లో గాని 12 లో గానీ ఉండి రాహు కేతు కక్ష్యలో ఉంటే క్యాన్సర్ రావచ్చు.

రాహు కేతువులు 6, 8,

12 భావాలతో సంబంధం కలిగి ఉంటే క్యాన్సర్ రావడానికి చాలా అవకాశాలు ఉంటాయి. చంద్రుడు కారకాంశ రాశికి 4వ భావంలో రాహు ,కేతు,శని వలన వేద పొందితే రొమ్ము క్యాన్సర్ కు కారణం అవుతుంది. కుజుడు ఎర్ర రక్తకణాలను హెమోగ్లోబిన్ మరియు బోన్మేరోని సూచిస్తాడు. కుజుడు రాహు కేతువు శని వలన వేద పొందితే బ్లడ్ క్యాన్సర్ కు కారణం అవుతుంది.బుధుడు పాప గ్రహాల వలన వేద పొందితే చర్మపు క్యాన్సర్ వస్తుంది. బుధుడు రాహు కేతు కక్ష్యలో ఉంటే స్కిన్ క్యాన్సర్ కు చాలా అవకాశాలు ఉన్నాయి. రవి రాహు కేతువు శని వలన వేద పొందితే కూడా క్యాన్సర్ వస్తుంది. రాహు శని కలిసి  ఆరోభావంలో ఉన్నా క్యాన్సర్ వ్యాధి వస్తుంది.

చంద్రుడు ఏ రాశిలో నైనా మూడు పాపగ్రహాలతో వేద పొందితే, శని కేతువు గురువు కలిసి ఏ రాశిలైన ఉన్నా,

గురు, కేతువు, శుక్రుడు కలిసి ఏ రాశిలో ఉన్నా, చంద్రుడు కేతు,శని,కుజుడు కలిసి ఉండటం వలన, చంద్ర రాహు శనుల యుతి వల్ల , ఆరోభావము స్థిరరాశి అయి అందులో కుజుడున్నా, ఆరో ద్విస్వభావ రాసి అయి అందులో శని స్థితి వలన, గురువు శనుల మధ్య పాప సంబంధం ఉన్నా, రాహు మానసిక రుగ్మతకు పిచ్చికి కుష్టు రోగానికి మరియు  కాన్సర్ వ్యాధి వివిధ శరీర భాగాలకు వచ్చుటకు కారకుడు చివరిగా సాధారణంగా జాతక చక్రంలో 1 6 8 స్థానాధిపతులు రాహు, కుజ,శనులు తో సంబంధం కలిగి ఉంటే క్యాన్సర్ వ్యాధి వస్తుంది.

రాశులు, గ్రహాల ద్వారా వచ్చే రుగ్మతలు...

మానవుని జీవితంలో రుగ్మతలు సర్వ సాధారణం. ఆ రుగ్మతలకు కూడా రాశులు , వాటి అధిపతులైన గ్రహాలు కారణం అవుతాయి. రాసి తత్వాలు, గ్రహకార కత్వాల ద్వారా రోగ నిర్ధారణకు ఉపకరించేదే వైద్య జ్యోతిషం. ఏ శరీర భాగాలకు రుగ్మతలు వస్తాయో రాశులు తెలుపుతాయి. ఎటువంటి రుగ్మతలు వస్తాయో గ్రహాల ద్వారా తెలుస్తుంది. ఏ గ్రహానికి సంబందించిన అవయవానికి వ్యాది సోకిందో ఆ గ్రహానికి సంబందించిన వైద్య విధానం ద్వారా మందు వాడితే తొందరగా వ్యాది నయమవుతుంది.

జాతకంలో లగ్నాదిపతి,లగ్నభావం షష్టాధిపతి,షష్ఠ బావంతో సంబందం ఉన్న యెడల జాతకునికి రోగాలు  పీడిస్తాయని, ఒక రోగం తరువాత ఇంకో రోగం పీడిస్తూనే ఉంటుంది. వ్యాధి వచ్చిన తరువాత చికిత్స చేసి నయం చేయడం కన్నా వ్యాధి రాకుండా చేసుకోవటమే మేలు అని జ్యోతిర్వైద్యం చెబుతున్నది.

రోగ నివారణ కేవలం మందులు వాడటం వలన సాద్యమనుకుంటే పొరపాటే. ఆహారపు అలవాట్లు మార్చుకోవటం వలన, వాతావరణం, నీరు మార్చటం వలన, రత్నధారణ వలన, జప దాన హోమాదుల వలన, ఔషదాల వలన, మంత్రోచ్ఛారణ వలన, కాస్మిక్ కిరణాల ద్వారా, కలర్ ధెరపీ ద్వారా, అయస్కాంత వైద్య చికిత్స విధానాల ద్వారా రోగాన్ని నివారించుకోవచ్చును, ముఖ్యంగా ఆదిత్య హృదయం, విష్ణు సహస్త పారాయణం, దుర్గాసప్తశ్లోకి, సుందరకాండ పారాయణం ప్రతి రోజు చేసే వారికి రోగాలు దరిచేరవు.

రాశులు - వాటికి వర్తించే శరీర భాగాలు

రాశులు - మేషం - శిరస్సు ,ముఖం, మెదడు , ముఖంలోని ఎముకలు, మెదడు లోని నరాలు, వృషభం - గొంతు, మెడ, వాటిలోని నరాలు,ఎముకలు. మిధునం - భుజాలు, చేతులు, వాటిలోని ఎముకలు, నరాలు, శ్వాస కోశం . కర్కాటకం- రొమ్ము, జీర్ణాశయం. సింహం - గుండె , వెన్నెముక.

కన్య - ఉదరం, ఉదరకోశం,పొత్తికడుపు ,తుల - కటి భాగం, నాభి, మూత్ర పిండాలు. వృశ్చికం - జననేంద్రియాలు, మూత్రకోశం . ధనుస్సు - తొడలు, పిరుదులు, రక్త నాళాలు. మకరం - మోకాళ్ళు, కీళ్ళు., కుంభం - పిక్కలు, కాళ్ళు, రక్త ప్రసరణం. మీనం - పాదాలు, వేళ్ళు, శరీరంలోని ద్రవ పదార్దాలు.

ఈ రాశులలో మేష, సింహ, ధనుస్సులు అగ్నితత్వానికి, వృషభ, కన్య, మకరాలు భూతత్వానికి, మిధున, తుల, కుంభ రాశులు వాయు తత్వానికి , కర్కాటక, వృశ్చిక, మీన రాశులు జల తత్వానికి చెందినవి. కావున ఈ తత్వానికి సంబందించిన రుగ్మతలు కూడా వచ్చే అవకాశం ఉంది. వీటితో పాటు గ్రహాలు కూడా కొన్ని రుగ్మతలకు కారణం అవుతాయి .

గ్రహాలు ఆ కలుగ చేసే రుగ్మతలు

గ్రహాలు - రుగ్మతలు 

సూర్యుడు - హృదయ , నేత్ర సంబంధ వ్యాదులు, రక్త ప్రసరణ ,వెన్నెముక సంబందిత వ్యాధులు, శరీరంలో శక్తి హీనత, పురుషులకు కుడి కన్ను, మహిళలకు ఎడమకన్ను.

చంద్రుడు - ద్రవ సంబంధ మైన రుగ్మతలు, పైత్యం, దగ్గు, రొమ్ము, ఉదర వ్యాధులు, ఆస్తమా , పురుషులకు ఎడమ కన్ను, స్త్రీలకు కుడి కన్ను , మానసిక రుగ్మతలు.

బుధుడు - జీర్ణాశయం, నరాలు, ఊపిరితిత్తులు, మూగ, చేతులు, నాలుక, నోటికి సంబందించిన రుగ్మతలు, మూర్చ వంటి మానసిక వ్యాధులు.

శుక్రుడు - జననేంద్రియ రుగ్మతలు, గొంతు, మెడ, బుగ్గలు, చర్మ వ్యాధులు.

కుజుడు - నుదురు, శిరస్సు, ముక్కు, కండరాలు, పురుష జననేంద్రియాలు, మొలలు, రక్త స్రావం, గాయాలు, ఉష్ణ వ్యాధులు, అగ్ని, విద్యుత్ ప్రమాదాలు.

గురువు - కాలేయం, మధుమేహం,రక్త నాళాలు, కుడిచెయ్యి, తొడలు, పిరుదులు.

శని - దంతాలు, ఎముకలు, మోకాళ్ళు, కీళ్ళ సంబంధిత నొప్పులు, చర్మ వ్యాధులు.

మన శరీర భాగాలలో ఏ భాగం ఏ వ్యాధికి గురవుతుందో లగ్న, సూర్య, చంద్ర రాశులను, వాటి అధిపతులను బట్టి నిర్దారించు కోవచ్చు. లగ్న రాశి నుంచి గాని, సూర్య రాశి నుంచి గాని, చంద్ర రాశి నుంచి గాని 6 ,8 ,12 స్థానాలు అనారోగ్య స్థానాలు అంటే ఆ రాశులు, ఆ రాశి అధిపతులు ,ఆ రాశిలో వున్నా గ్రహాలూ, కారకత్వాలను తెలుసు కుంటే రోగ నిర్ధారణ సాధ్యమవుతుంది.

ఓం..శనైశ్చ రాయనమః.

జన్మ రాశుల వారికి సంభవించు వ్యాధులు .

మేషము.

తలనొప్పి, వాపులు వచ్చే వ్యాధులు , 

మెదడుకు సంబంధించిన రోగములు,మెదడువాపువ్యాధి,

సృహతప్పుట, నిద్రపట్టని వ్యాధి , మెదడులో రక్తనాళాలు పగులుట అనగా సెరిబ్రల్ హేమరేజ్ , బ్రెయిన్ ట్యూమర్, కోమా , మెదడులో జబ్బు కారణంగా వచ్చు జ్వరం వంటి సమస్యలు సంభవిస్తాయి.

మేషరాశి కోపమును , తొందరపాటును , పట్టుదల , దుడుకు చర్యలను సూచిస్తుంది. 

వీరికి మాంసాహారం ఎక్కువుగా పడదు. 

వీరు కోపమును ఉద్రేకమును కంట్రోల్ చేసుకోవడం అవసరం.

వృషభం.

గొంతువ్యాధులు ముఖ్యముగా టాన్సిల్స్ వాపు 

వాటి వలన కలుగు ఇన్ఫెక్షన్ , గొంతువాపు , గొంతునొప్పి, మెడనొప్పి, మెడలోని నరాలు బిగదీసుకు పోవడం , గొంతు బొంగురు పోవడం , నాలుక పూత, 

నాలుకపై కురుపులు , దంతాల నొప్పి, 

దంతాలు పుచ్చడం,కంటి వ్యాధులు,ముఖము పొంగుట , 

మృగశిర 1 వ పాదం ముఖం పై గాయాలు , 

ముఖం పై రాళ్ళ దెబ్బలు , లాలాజలం ఉత్పత్తి అయ్యే గ్రంథుల కు జబ్బు, కళ్లు ఎర్రబడుట, కళ్ల కలక, 

కంటి వాపు , కంట్లో శుక్లాలు , స్వరపేటికకు వచ్చే జబ్బు , మూత్రపిండాల జబ్బు, మూత్రాశయపు జబ్బులు , మూత్రం వలన అంటు జబ్బులు వంటి సమస్యలు కలుగును.

మిధునము.

ముఖ్యముగా ఊపిరితిత్తులకు సంబంధించిన 

అన్ని రోగములు ,శ్వాసనాళాలవాపు,శ్వాసనాళాల నొప్పి, బ్రాంకైటిస్ , క్షయవ్యాధి , చెవి వ్యాధులు , ముఖ్యముగా కుడి చెవికి వచ్చు వ్యాధులు , చెవుడు, చెవినొప్పి, 

చెవిలో కురుపులు , చీముకారుట మొదలయిన సమస్యలు , లంగ్ క్యాన్సర్ , శ్వాసనాళములో కఫం గట్టిపడటం మొదలయిన సమస్యలు , జననేంద్రియ , సుఖవ్యాధులు , పాద సంబంధ సమస్యలు , రెక్టమ్ వంటి విసర్జకావయావాల  సమస్యలు సంభంవించును.

కర్కాటకం.

ఛాతినొప్పి, ఛాతిలో బరువుగా ఉండటం , ఆస్తమా , క్షయవ్యాది , జలోదరం , గ్యాస్ జబ్బు, మానసిక వ్యాధులు , అజీర్ణం 

పునర్వసు 4 వ పాదం పచ్చకామెర్లు , క్యాన్సర్ వ్యాధి , మతిచాంచల్యం , 

పుష్యమి నక్షత్రం గాల్ బ్లాడర్ లో రాళ్లు తగినంత పైత్యరసం ఉరకపోవడం వలన అజీర్ణం , పులుపు వలన ఇబ్బందులు , ఊపిరితిత్తుల జబ్బు, ఊపిరితిత్తులలో రాళ్లు , కండపెరుగుట , శ్వాసక్రియ సక్రమంగా లేకపోవటం ఆయాసం , జలుబులు, ముక్కులో కండలు పెరుగుట, ముక్కులో నొప్పి, శ్వాసకోశ వ్యాధులు , తాగుడు దాని మూలంగా కలుగు వ్యాధులు సంభవిస్తాయి.

సింహము.

ముఖ్యంగా గుండెజబ్బులు , 

మఖానక్షత్రం రక్తపోటు , గుండెదడ , గుండెలో కండరాల వాపు , గుండె వాల్వుల జబ్బు మరియు గుండె వాల్వులు చెడిపోవుట , జ్వరములు తలతిరగడం , కొలెస్ట్రాల్ అధికం అయ్యి రక్తనాళాలు మూసుకుపోవడం 

ముఖ్యంగా పుబ్బ నక్షత్రం వారికి ఇది చూపిస్తుంది. గుండెకి సంబంధించిన అన్నిరకాల వ్యాధులు , 

గుండె మార్పిడి , కాళ్లు పొంగడం , మోకాళ్ల వాపు , మోకాళ్ల నొప్పులు , మోకాలి చిప్ప వాపు మరియు నొప్పి , మూర్చ జబ్బు. వంటి సమస్యలు వస్తాయి.

కన్య.

కడుపుకి సంబంధించిన సమస్త రోగములు , లివర్ , గాల్ బ్లాడర్ వ్యాధులు , డిసెంట్రీ , కడుపునొప్పి, అల్సర్లు , 

చిత్త 1 , 2 పాదములు పైత్యం, అల్సర్ , వాంతులు , 

పైత్య వికారం, తల తిరగడం వంటి వాటిని చూపిస్తాయి. కడుపులోని రక్తనాళాలకు జబ్బు, 

ఈ రాశి నుండి కుంభం 6 వది కావడం వలన పిక్కలు , చీలమండల వాపులు , నొప్పులు వీటిపైన దెబ్బలు తగలడం ముఖ్యంగా రాతి వలన దెబ్బలు , ప్రమాదాలు జరిగి తలకు దెబ్బలు తగలడం , ముఖం పగలడం , అజీర్ణవ్యాది,ఎక్కువ ఆహారం తినటం వలన కలిగే వ్యాధులు , 

కన్యారాశి జీర్ణం అయిన ఆహారం లో నుండి శక్తికి గ్రహించడం కలిసిపోవడం మరియు శక్తిని శరీరానికి ఉపయోగించేలా క్రియలు చేస్తుంది . 

కాబట్టి ఈ క్రియలకు అడ్డు కలిగించే వ్యాధులు , 

తాగుడు ( హస్తా నక్షత్రం ) దానివలన మత్తు కలిగి ప్రమాదాలకు గురి అవడం జరుగును.

తుల.

మూత్రపిండాల జబ్బు, మూత్రపిండం మార్పిడి , మూత్రనాళాలలో రాళ్లు , మూత్రనాళాల వాపు , 

వెనక భాగం వీపు దిగువ భాగంలో తట్టుకోలేని విపరీతమైన నొప్పి , మూత్ర విసర్జనకు సంబంధించిన అన్ని రకాల వ్యాధులు , మూత్రంలో గ్లూకోజ్ , 

యూరినరీ ఇన్ఫెక్షన్ , మూత్రపిండాల ఇన్ఫెక్షన్ వలన నొప్పి, అపెండిసైటిస్ , పాదాల వాపు , పాదాల వ్రేళ్ల వాపు , నొప్పులు , పాదాల ఇన్ఫెక్షన్ సమస్యలు కలుగును.

వృశ్చికం.

బాహ్యజననేంద్రియాలకు సంబందించిన వ్యాధులు , మూత్రకృచ్చం , బ్లాడర్ వాపు , హైడ్రోసిల్ , బ్లాడర్ లో రాళ్లు , రతిక్రియ ద్వారా సంభవించు వ్యాధులు , గుదము , రెక్టమ్ వీటికి సంబంధించిన సమస్యలు , మూలవ్యాది, భగంధరం , గుదములో పుండ్లు , 

గర్భాశయ క్యాన్సర్ , అండాశయం యొక్క వ్యాధి , హెర్నియా , పొత్తి కడుపులో నొప్పి, తెల్లబట్ట , పసుపు బట్ట మొదలగు స్త్రీ జననేంద్రియ వ్యాధులు , గనేరియా , సిఫిలిస్ , ప్రొస్టేట్ గ్రంథి వాపు , గర్భాశయంకు శస్త్ర చికిత్స చేసి తీసివేయుట , విసర్జన సక్రమంగా జరగకపోవటం , అనురాధ నక్షత్రం వలన మలబద్దకం , గ్యాస్ సమస్య , నపుంసకత్వం , నరాల బలహీనత, తలలో కురుపులు , నిద్రలో నడుచుట, మత్తులోకి పోవటం , దీర్ఘనిద్ర , జననేంద్రియముల వద్ద చర్మవ్యాధి , ఫెలోపియన్ నాళాల వాపు , నిస్సంతానం వంటి సమస్యలు కలుగును.

ధనస్సు.

కీళ్లవాతం, ధనుర్వాతం, సయాటిక, పిక్కలు , తొడలు నొప్పి, వాటి ఎముకలు విరుగుట , పిరుదులపైన కురుపులు , నడుమునొప్పి, తొడలలో వచ్చు తొడపాము అనే జబ్బు , గౌట్ జబ్బు కలుగును. 

పూర్వాషాడలో చంద్ర , గురు , శుక్రులలో ఎవరైనా ఒక్కరు ఉన్నను మధుమేహం కలుగచేస్తారు . 

ఉత్తరాషాడ 1వ పాదం వలన పిరుదులపైన 

శగ కురుపులు.

మూలా నక్షత్రం వలన ఎక్సరేకి కూడా చిక్కని అంతుదొరకని నడుమునొప్పితో ఇబ్బంది పడతారు.  కీళ్లవాతాలు సంభంవించును.

మకరం.

మోకాళ్ళ నొప్పులు , వాపులు , ఎముకలు విరుగుట, చర్మవ్యాదులు ఎగ్జిమా , కీళ్లవాతం , జలుబులు , 

శ్వాశకోశ వ్యాధులు , శ్వాశ పీల్చలేకపోవడం ఆయాసం , గుండెవ్యాధులు సంభంవించును.

కుంభం.

గుండె వ్యాధులు , చెవి వ్యాధులు , ముఖ్యంగా ఎడమచెవి సమస్యలు , కాళ్లవాపు , చీలమండల వాపు , రక్తపోటు , బోదకాలు , చర్మవ్యాదులు , మలబద్దకం , అజీర్ణవ్యాధులు , రక్తప్రసరణ సరిగ్గా లేకపోవటం , చిగుళ్లవాపు , నొప్పి , శ్వాసనాళంలో అన్య వస్తువు లేక కండరం పెరగటం , శ్వాసక్రియకు అడ్డుతగలడం వంటి సమస్యలు కలుగును.

మీనము.

తాగుడుకు బానిస అవ్వడం , గ్యాస్ట్రిక్ సమస్యలు , పాదముల వాపు , నొప్పులు , మడమల పగుళ్లు , మడమశూలలు , అరికాలిలో కురుపులు , 

పాదాలకు ఎక్కువ చెమట పట్టడం , పాదాలలో ఆనెలు కలుగును. 

పూర్వాభాద్ర 4 వ పాదం వలన లివర్ సమస్యలు , ఉత్తరాబాద్ర కారణమున పచ్చకామెర్లు , వాతం , 

లివర్లో రాళ్లు , లివర్ పెరగటం , 

రేవతి వలన నరాల జబ్బులు , పాదాల వాపు కలుగును. ముఖ్యంగా పాదాలకు సంబంధించిన సమస్యలు ఎక్కువ కలుగును.

ఇప్పటి వరకు మీకు నేను ఆయా రాశుల వారికి కలుగు వ్యాధుల గురించి తెలియచేశాను 

మన వ్యక్తిగత జాతకం అనుసరించి ఆయా గ్రహస్థితుల స్థానాన్నిబట్టి మనుష్యులకు రోగాలు వచ్చును.

గమనిక:-వ్యక్తి జాతక పరిశీలన తెలుసుకొని,నివారణ ప్రక్రియలు చేయవచ్చు