దానాలు - శుభ ఫలితాలు*

దానాలు - శుభ ఫలితాలు* 

ప్రస్తుత జన్మలో మనం చేసిన దానమే వచ్చే జన్మ ఉన్నతికి ఉపయోగ పడుతుంది.. అనే మాటలు మనం వింటూ ఉంటాము. పురాణాలు కూడా దానం చేయడం వలన సకల పుణ్య ఫలాలు ప్రాప్తిస్తాయని చెబుతున్నాయి. ఈ కారణంగానే దైవ దర్శనం పూర్తి చేసుకున్న తరువాత చాలా మంది, నిస్సహాయ స్థితిలో ఉన్న వారిని మాత్రమే అర్హులుగా భావించి తమకి తోచిన విధంగా దానధర్మాలు చేస్తుంటారు. 

నవగ్రహ పూజ - దానాలు, ఫలితాలు

నవగ్రహ శాంతికి సంబంధించిన పూజా కార్యక్రమాలు చేసేవారు గ్రహ శాంతికి దోష నివారణకు దానాలు చేయాల్సి ఉంటుంది. ఇలా చేసిన వారకి దోష నివారణ జరిగి జీవితాన సకల శుభాలు కలుగుతాయి. కోరిన కోర్కెలు నెరవేరుతాయి. సూర్య గ్రహ పూజ చేసేవారు గోధుమలను దానము చేయాలి. చేతికి కెంపు ఉంగరాన్ని ధరించటం వల్ల రోగాదులు, మానసిక బాధలు తొలగి మనశ్శాంతి కలుగుతుంది.

గురుగ్రహ పూజను నిర్వహించేవారు శనగలను దానము చేయాలి. చంద్రుని పూజకు బియ్యాన్ని దానం చేస్తే సరిపోతుంది. ఇక కుజ గ్రహ పూజలో కందులను దానం చేయాలి. పగడపు ఉంగరాన్ని ధరించటం వల్ల రుణ విముక్తి కలిగి శత్రు సమస్య నశిస్తుంది. బుధ గ్రహ పూజలో పెసలను దానం చేయాలి. శుక్రుని పూజలో అలచందల దానము చేయాలి. రాహు పూజకు మినుములను దానం చేయాలి. కేతువు పూజలో ఉలవల దానం చేయాలి. శని పూజలో నువ్వులను దానం చేయాలి.

దానాల్లో పలు రకాలు:

చతుర్విద దానాలు

చతుర్విద దానాలు చేసిన వారికి పూర్వ జన్మ పాపాలు నశించి, ఈ జన్మలోనే సుఖిస్తారు.

చతుర్విద దానాలు నాలుగు. అవి..

1. మరణ భయంతో భీతిల్లే వారికి ప్రాణ అభయం ఇవ్వడం

2. వివిధ వ్యాధులతో నరక యాతన పడే రోగులకు వైద్యం చేయడం

3. పేదవారికి ఉచిత విద్యను అందించడం

4. క్షుద్భాదతో అల్లాడే వానికి అన్నదానం చేయడం

దశ దానాలు

పేదవానికి మీ శక్తి కొలది చేసే ద్రవ్యసహాయము కానీ, వస్తు సహాయమును కానీ..‘ధర్మం’ అంటారు. ఇలా ‘ధర్మం’ చేయడం వల్ల వచ్చినపుణ్యఫలం ఇహలోక సౌఖ్యాలకు దోహదం చేస్తుంది.

మంత్రపూర్వకంగా ఓసద్బ్రాహ్మణునకు చేసినదానఫలం, పరలోక సుఖాలను అందించడమే కాకుండా, ఉత్తమ జన్మ సంప్రాప్తించడానికి ఉపయోగపడుతుంది. ‘ధర్మం’ చేయడానికి పరిధులు లేవు. నీకు తోచినది ఏదైనా ధర్మం చేయవచ్చు. కానీ, ‘దానం’ చేయడానికి కొన్ని పరిధులు ఉన్నాయి. ఏదిపడితే అది దానం చేయడానికి వీలులేదు. శాస్త్రనియమానుసారం దాన యోగ్యమైనవి కొన్నే ఉన్నాయి. వాటిని మాత్రమే దానం చేయాలి. వాటినే ‘దశ దానాలు’ అంటారు.

ఇవి మొత్తం 10 దానాలు

దూడతో కూడుకున్న ఆవు, భూమి, నువ్వులు, బంగారము, ఆవు నెయ్యి, వస్త్రములు, ధాన్యము, బెల్లము, వెండి, ఉప్పు...ఈ పదింటిని దశ దానములుగా శాస్త్రం నిర్ణయించింది. వీటినే మంత్రపూర్వకంగా దానం చేయాలి. అప్పుడే ఫలితం ఉంటుంది. ఏయే దానం వల్ల ఏయే ఫలం సిద్ధిస్తుందో తెలుసుకుందాం.

గోదానం

గోవు అంగములందు పదునాలుగులోకాలు ఉన్నాయి. బాగా పాలు ఇచ్చేది, మంచి వయసులో ఉన్నది, దూడతో కూడుకున్నది అయిన ఆవును బంగారు కొమ్ములు, వెండి డెక్కలు, కంచు మూపురము, రాగి తోక, నూతన వస్త్రములతో అలంకరించి, ఆ ఆవుతో పాటు పాలు పితుక్కునే పాత్రను ఇస్తూ, ఫల, దక్షిణ, తాంబూలములతో యథావథిగి దానం చేయాలి. గోవుకు కనీసం 6 నెలల గ్రాసాన్ని కూడా ఇవ్వాలి. ఈ దానంతో శ్రీమహావిష్ణువు సంప్రీతుడై, దాతకు స్వర్గలోక ప్రాప్తిని కలిగిస్తాడు.

భూదానం

కృతయుగంలో హిరణ్యాక్షుని కారణంగా శూన్యంలోకి దొర్లిపోతుంటే.. శ్రీహరి వరాహావతారం ధరించి, ఆ భూమిని తన దంష్ట్రాగ్రంపై నిలిపి ఉద్ధరించాడు. సుక్షేత్రం, సమస్త సస్యసమృద్ధం అయిన భూమిని దానం చేయడం వల్ల అనంత పుణ్యఫలం లభిస్తుంది. ఈ దానంతో శంకరుడు సంప్రీతుడై, దాతకు శివలోకప్రాప్తిని అనుగ్రహిస్తాడు.

తిలదానం

తిలలు అంటే నువ్వులు.శ్రీమహావిష్ణువు శరీరం నుంచి పుట్టిన నువ్వులను దానం చేయడం వల్ల సమస్త పాపములు నశిస్తాయి. ఈ దానంతో శ్రీమహావిష్ణువు సంప్రీతుడై, దాతకు విష్ణులోకప్రాప్తిని అనుగ్రహిస్తాడు.

హిరణ్య (బంగారం) దానం

హిరణ్యం అంటే బంగారం. బ్రహ్మదేవుని గర్భం నుంచి పుట్టిన బంగారాన్ని దానం చేయడం వల్ల, దాత సమస్త కర్మల నుంచి విముక్తుడు అవుతాడు. ఈ దానంతో అగ్నిదేవుడు సంప్రీతుడై, దాతకు అగ్నిలోకప్రాప్తిని అనుగ్రహిస్తాడు.

ఆజ్య(నెయ్యి) దానం

ఆజ్యము అంటే ఆవు నెయ్యి. ఈ నెయ్యి కామధేనువు పాల నుంచి ఉద్భవించింది. ఈ నెయ్యినే యఙ్ఞ, యాగాదులందు సకల దేవతలకు ఆహారంగా హవిస్సు రూపంలో సమర్పిస్తారు. అలాంటి ఆజ్యాన్ని దానం చేయడం వల్ల సకల యఙ్ఞఫలం లభిస్తుంది. ఈ దానంతో మహేంద్రుడు సంప్రీతుడై, దాతకు ఇంద్రలోకప్రాప్తిని అనుగ్రహిస్తాడు.

వస్త్రదానం

చలి నుంచి శరీరానికి రక్షణ కలిగించే వస్త్రం.. కేవలం అలంకారినికే కాకుండా, మాననాన్ని కూడా కాపాడుతుంది. అట్టి వస్త్రాలను దానం చేయడం వలన, సర్వ దేవతలు సంతోషించి, సకల శుభాలు కలుగాలని దాతను దీవిస్తారు.

ధాన్యదానం

జీవి ఆకలిని తీర్చేది ఈ ధాన్యం. జీవి ఉత్పత్తికి ఈ ధాన్యమే కారణం. అట్టి ధాన్యాన్ని ఓ బండెడు దానం చేయుట వల్ల, సకల దిక్పాలకులు సంతృప్తి చెంది, దాతకు ఇహలోకమందు సకలసౌఖ్యం అనుగ్రహించి, పరమందు దిక్పాలకలోక ప్రాప్తిని అనుగ్రహిస్తారు.

గుడ(బెల్లం)దానం

రుచులలో మధురమైనది బెల్లం. ఈ బెల్లం చెరుకురసం నుంచి పుట్టింది. ఈ బెల్లం అంటే వినాయకునకు, శ్రీమహాలక్ష్మీదేవికి ఇష్టం. ఈ దానంతో లక్ష్మీ, గణపతులు సంప్రీతులై, దాతకు అఖండ విజయాలను, అనంత సంపదలను అనుగ్రహిస్తారు.

రజత(వెండి)దానం

అగ్నిదేవుని కన్నీటి నుంచి ఉత్పన్నమైనది ఈ వెండి. ఈ దానంతో శివ, కేశవులు, పితృదేవతలు సంప్రీతులై, దాతకు సర్వ సంపదలను, వంశాభివృద్ధిని అనుగ్రహిస్తారు.

లవణ(ఉప్పు)దానం

రుచులలో ఉత్తమమైనది ఉప్పు. ఈ దానంతో మృత్యుదేవత సంప్రీతుడై, దాతకు ఆయుర్దాయమును, బలాన్ని,ఆనందాన్ని అనుగ్రహిస్తాడు.

ఇవి దశ దానాలు. ఈ దానాలను గ్రహణ సమయాల్లో, పర్వదినాల్లో, సంక్రమణాల్లో చేస్తే దాని ఫలం పదింతలు అవుతుంది. ఈ దానాలనుభక్తి, శ్రద్ధలతో చేయాలిగాని, దానగ్రహీతకు ఏదో ఉపకారం చేస్తున్నామనే భావనతో చేయరాదు.

షోడశ దానాలు  - ఫలితాలు👍💐

1. కన్యా దానం - దీనివల్ల బ్రహ్మలోక ప్రాప్తి కలుగుతుంది.

2. సువర్ణ దానం - దీనివల్ల విష్ణులోక ప్రాప్తి కలుగుతుంది.

3. దాసీజనం దానం - దీనివల్ల ఇంద్రలోక ప్రాప్తి కలుగుతుంది.

4. వాహన దానం - దీనివల్ల విష్ణులోక ప్రాప్తి కలుగుతుంది.

5. అశ్వ దానం - దీనివల్ల గంధర్వలోక ప్రాప్తి కలుగుతుంది.

6. గజ (ఏనుగు) దానం - దీనివల్ల శివలోక ప్రాప్తి కలుగుతుంది.

7. గ్రుహ దానం - దీనివల్ల విష్ణులోకం ప్రాప్తి కలుగుతుంది.

8. నాగలి దానం - దీనివల్ల క్రుష్ణ ప్రీతి కలుగుతుంది.

9. కాలపురుష దానం - దీనివల్ల కోరికల సిద్ధి కలుగుతుంది.

10. కాలచక్ర ప్రతిమ - దీనివల్ల ఐశ్వర్య సిద్ధి కలుగుతుంది.

11. భూ దానం - దీనివల్ల శివలోకం నివాసం కలుగుతుంది.

12. మేక దానం - దీనివల్ల శివ ప్రీతి కలుగుతుంది.

13. వృషభ దానం - దీనివల్ల మృత్యుంజయం కలుగుతుంది.

14. పాన్పు దానం - దీనివల్ల గోలోక ప్రాప్తి కలుగుతుంది.

15. గో దానం - దీనివల్ల వైకుంఠ ప్రాప్తి కలుగుతుంది.

16. నువ్వురాశి దానం - దీనివల్ల విష్ణులోక ప్రాప్తి కలుగుతుంది..

✍🏻🚩 *సుధాకర్ నాంబేటి సర్వే జనాః సుఖినోభవంతు గ్రూపు అడ్మిన్* 🚩

పొరపాటున కూడా దక్షిణ దిక్కుకి తిరిగి నమస్కరించకూడదు........!!

పొరపాటున కూడా దక్షిణ దిక్కుకి తిరిగి నమస్కరించకూడదు........!!

దక్షిణ దిక్కుకి తిరిగి నమస్కరించకూడదు. ఎందుకంటే దక్షిణ దిక్కున యమధర్మరాజు గారు ఉంటారు. ఎవరైనా మనకి నమస్కరిస్తే దానిని ఊరికే పుచ్చుకోకూడదు. వారిని ఆశీర్వదించి వారిని మనం ఏ రకంగా అనుగ్రహించగలమో ఆ విధంగా కాపాడాలి.

ఇప్పుడు యమధర్మరాజు గారికి నమస్కరిస్తే? ఆయన శక్తి అనుసారంగా ఆయన ఎలా అనుగ్రహించగలరో అలా అనుగ్రహిస్తారు. తప్ప నమస్కారాన్ని ఊరికే పుచ్చుకోరు ఎవరు. తప్పనిసరిగా ఆశీర్వదించి తీరాలి ఎంత మేరకు వీలైతే అంత వరకు. ఒహో వీడికి పాపం ఈ శరీరం బాధాకరంగా ఉన్నట్టుంది అందుకని నన్ను శరణు వేడుతున్నాడు అని శరీరంతో ఉన్న బంధనాన్ని తీసి వేస్తారు. లేదా, రోగాలు ప్రబలడానికి కారణం యమధర్మ రాజు గారి ఆగ్రహం అంటారు. ఒహో నాకు నమస్కరించావు కదా, సరేరా అబ్బాయి(అమ్మాయి), నువ్వు చేస్కున్న పాపాలన్ని ఈ రోగం రూపంలో అనుభవించేయి, అప్పుడు ఇక నీకు వాటితో ఒక గొడవ వదిలిపోతుంది అని ఒక రోగాన్ని ప్రసాదిస్తారు చేస్కున్న పాపాలు అన్ని పోయేలాగ. ఆయన చేతుల్లో పనులేంటో అవి కటాక్షించగలరు. కానీ ఈ రెండూ కూడా సహజంగా ఎవరూ కోరుకునే కోరికలు కాదు కాబట్టి దక్షిణ దిక్కుకి తిరిగి నమస్కరించకూడదు.

ఒక్క సంధ్యావందనం చేసేటప్పుడు అన్ని దిక్కులకి పెట్టే నమస్కారం తప్ప, ఇక వేరే ఎప్పుడూ దక్షిణ దిక్కుకి నమస్కారం పెట్టకూడదు. ఒకవేళ ఎవరైన పెద్దవారు దక్షిణ దిక్కున నిలబడినప్పుడు వారికి నమస్కరించాలి అనుకుంటే అయ్యా కాస్త ఇటుగా తిరగండి మీకు నమస్కరించుకుంటాను అని చెప్పి దిక్కు మరల్చి అప్పుడు నమస్కరించాలి. అది గురువుకైనా సరే తల్లిదండ్రులకైనా సరే.

బీజ మంత్రాల అర్థాలు (తెలుగు అనువాదం)

బీజ మంత్రాల అర్థాలు (తెలుగు అనువాదం)

1. క్రీం (क्रीं)

ఇందులో నాలుగు అక్షరాలు ఉన్నాయి — క, ర, ఈ, అనుస్వార.

క – కాళి

ర – బ్రహ్మ

ఈ – దుఃఖహరణ

అర్థం: బ్రహ్మశక్తి సముపేత మహామాయా కాళీ నా దుఃఖాలను తొలగించుగాక.

2. శ్రీం (श्रीं)

నాలుగు అక్షరాలు — శ, ర, ఈ, అనుస్వార.

శ – మహాలక్ష్మి

ర – ధన, ఐశ్వర్యం

ఈ – తుష్టి (సంతృప్తి)

అనుస్వార – దుఃఖహరణ

అర్థం: ధన, ఐశ్వర్యం, తుష్టి, పుష్టి ప్రసాదించే మహాలక్ష్మి నా దుఃఖాలను తొలగించుగాక.

3. హ్రౌం (ह्रौं)

హ్ర, ఔ, అనుస్వార.

హ్ర – శివ

ఔ – సదాశివ

అనుస్వార – దుఃఖహరణ

అర్థం: శివుడు, సదాశివుడు నా దుఃఖాలను తొలగించుగాక.

4. దూం (दूं)

ద, ఊ, అనుస్వార.

ద – దుర్గా

ఊ – రక్షణ

అనుస్వార – కర్తృత్వం

అర్థం: అమ్మా దుర్గా, నన్ను రక్షించు. ఇది దుర్గాబీజం.

5. హ్రీం (ह्रीं)

శక్తిబీజం లేదా మాయాబీజం.

హ, ర, ఈ, నాద, బిందు.

హ – శివ

ర – ప్రకృతి

ఈ – మహామాయ

నాద – విశ్వమాత

బిందు – దుఃఖహర్త

అర్థం: శివసహిత విశ్వమాత మహామాయ నా దుఃఖాలను తొలగించుగాక.

6. ఐం (ऐं)

ఐ, అనుస్వార.

ఐ – సరస్వతి

అనుస్వార – దుఃఖహరణ

అర్థం: హే సరస్వతి, అవిద్య రూప దుఃఖాన్ని నశింపజేయుము.

7. క్లీం (क्लीं)

ఇది కామబీజం.

క, ల, ఈ, అనుస్వార.

క – కృష్ణ లేదా కామ

ల – ఇంద్ర

ఈ – తుష్టి

అనుస్వార – సుఖదాత

అర్థం: కామదేవ రూప శ్రీకృష్ణుడు నాకె సుఖం, సౌభాగ్యం ప్రసాదించుగాక.

8. గం (गं)

ఇది గణపతి బీజం.

గ, అనుస్వార.

గ – గణేశ

అనుస్వార – దుఃఖహర్త

అర్థం: శ్రీగణేశుడు నా విఘ్నాలు, దుఃఖాలు తొలగించుగాక.

9. హూం (हूं)

హ, ఊ, అనుస్వార.

హ – శివ

ఊ – భైరవ

అనుస్వార – దుఃఖహరణ

అర్థం: అసురనాశక భైరవశివుడు నా దుఃఖాలను తొలగించుగాక. ఇది కూర్చబీజం.

10. గ్లౌం (ग्लौं)

గ, ల, ఔ, బిందు.

గ – గణేశ

ల – వ్యాపకరూప

ఔ – తేజస్సు

బిందు – దుఃఖహరణ

అర్థం: విఘ్నహర్త గణేశుడు తన తేజస్సుతో నా దుఃఖాలను నశింపజేయుగాక.

11. స్ట్రీం (स्त्रीं)

స, త, ర, ఈ, బిందు.

స – దుర్గ

త – తారణ

ర – ముక్తి

ఈ – మహామాయ

బిందు – దుఃఖహరణ

అర్థం: దుర్గామాత మహామాయ భవసాగర తారిణి, ముక్తిదాత్రి, నా దుఃఖాలను తొలగించుగాక.

12. క్షౌం (क्षौं)

క్ష, ర, ఔ, బిందు.

క్ష – నరసింహ

ర – బ్రహ్మ

ఔ – ఊర్ధ్వ

బిందు – దుఃఖహరణ

అర్థం: బ్రహ్మస్వరూప, ఊర్ధ్వకేశ నరసింహ స్వామి నా దుఃఖాలను తొలగించుగాక.

13. వం (वं)

వ, బిందు.

వ – అమృత

బిందు – దుఃఖహరణ

అర్థం: హే అమృతసాగరా, నా దుఃఖాలను హరించుము.

ఇలాంటి మరిన్ని బీజమంత్రాలు కూడా ఉన్నాయి—

శం – శంకర బీజం

ఫ్రౌం – హనుమత్ బీజం

దం – విష్ణు బీజం

హం – ఆకాశ బీజం

యం – అగ్ని బీజం

రం – జల బీజం

లం – భూమి బీజం

జ్ఞం – జ్ఞాన బీజం

భ్రం – భైరవ బీజం

ప్రత్యేక బీజాలు:

కాళికా మహాసేతు – క్రీం

త్రిపురసుందరి మహాసేతు – హ్రీం

తారా మహాసేతు – హూం

షోడశి మహాసేతు – స్ట్రీం

అన్నపూర్ణ మహాసేతు – శ్రం

లక్ష్మీ మహాసేతు – శ్రీం

మంగళవారం చేయవలసిన - చేయకూడని పనులు.......!!

మంగళవారం చేయవలసిన - చేయకూడని పనులు.......!!

మంగళ వారం కొన్ని పనులు చేయాలి, మరికొన్ని చేయకూడదు..

మంగళవారం కుజునికి సంకేతం. కుజుడు ధరత్రీ పుత్రుడు, భూమిపై నివసించేవారికి కుజ ప్రభావం ఎక్కువగా ఉంటుంది. 

కుజుడు ప్రమాదాలకు, కలహాలకు, నష్టాలకు కారకుడు. అందుకనే సాధారణంగా కుజగ్రహ ప్రభావం ఉండే మంగళవారం నాడు… శుభకార్యాలు తలపెట్టరు.

మంగళవారం చెయకూడని పనులు…

1.మంగళవారం గోళ్ళు కత్తిరించడం, క్షవరం అలాంటివి చేయకూడదు.

2.మంగళవారం అప్పు ఇస్తే ఆ డబ్బులు మళ్ళీ రావడం చాలా కష్టం.

౩.అప్పు తీసుకుంటే అది అనేక బాధలకు, అనవసరమైన పనులకు ఖర్చు అయిపోయి, తీరకపోయే ప్రమాదం ఉంది.

4.మంగళవారం కొత్త బట్టలు వేసుకోకూడదు.

5.మంగళవారం అత్యవసరం అయితే తప్ప మంగళవారం ప్రయాణాలు పెట్టుకోకూడదు.

6.మంగళవారం ఉపవాసం చేసిన వారు రాత్రి ఉప్పు వేసిన పదార్ధాలు తినకూడదు.

7.మంగళవారం తలంటు స్నానం చేయకూడదు.

8.దైవకార్యాలకు, విద్యా వైద్య రుణాలు ఎప్పుడైనా ఇవ్వవచ్చు.

మంగళవారం చేయవలసిన పనులు...

1.మంగళవారం ఆంజనేయుడిని ద్యానించడం వలన ధైర్యం చేకూరి, అన్ని పనులు అవుతాయి.

2.సుబ్రమణ్యస్వామి ఆరాధన చేయడం వలన కుజగ్రహ ప్రభావం వలన కలిగే ప్రమాదాలను నివారించవచ్చు.

౩.మంగళవారం కాళికాదేవిని ధ్యానించడం వలన శత్రువులపై జయం కలుగుతుంది.

4.మంగళవారం ఎరుపు రంగు దుస్తులను ధరించడం, ఎరుపు రంగు పువ్వులతో ఇష్టదైవాన్ని ప్రార్ధించడం చేస్తే మంఛి ఫలితం ఉంటుంది.

5.జాతకంలో కుజగ్రహం వక్ర దృష్టితో చూస్తే ఎరుపు రంగు దుస్తులను ధరించరాదు.

6. మంగళవారం అప్పు తీరిస్తే..ఆ అప్పు తొందరగా తీరిపోతుంది.

7. మంగళవారం నాడు..మన బ్యాంకు అకౌంట్ లో ఎంతో కొంత మనీ వేయడం వలన అది వృద్ది అవుతూ ఉంటుంది.

8.మంగళవారం రాహుకాలంలో..( మధ్యాహ్నం 3 నుండీ 4.30 వరకు) దుర్గాదేవి దర్శనం.. దుర్గా స్తోత్రాలు పారాయణము చేయడం వలన ఆధ్యాత్మిక శక్తి పెరుగుతుంది.

9.హనుమంతుడికి సింధూరంతో పూజించడం వలన, సుబ్రమణ్యస్వామికి పదకొండు ప్రదక్షణలు చేయడం వలన దోష ప్రభావం తగ్గుతుంది.

సంకష్టహర చతుర్థి లేదా అంగారక చతుర్థి..........!!

 సంకష్టహర చతుర్థి లేదా అంగారక చతుర్థి..........!!

 సంకష్టహర చతుర్థి సందర్భంగా..

సంకష్టహర చతుర్థి మంగళవారం కాని వస్తే దానిని అంగారక చతుర్థి అని కూడ అంటారు అలా కలిసి రావడం చాలా విశేషమైన పర్వదినం, ఈ అంగారక చవితి రోజున గణపతిని పూజించడం, ఈ వ్రతం ఆచరించడం వల్ల జాతకములోని కుజదోష సమస్యలు తొలగడంతో పాటుగా, చేసే పనులలో సంకటములన్నీ తొలగి సఫలతో చేకూరునని ప్రతీతి. 

పగలంతా ఉపవాసం చేసి, సాయంత్రం గణపతిని పూజించి, ఉండ్రాళ్ళు, మోదకములు మొదలైనవి నైవేద్యంగా పెట్టి, చంద్రోదయ సమయంలో గణపతికి, చంద్రునికి, చతుర్థీ దేవతకు అర్ఫ్యప్రదానం చేసిన తరువాత ప్రసాదాన్ని స్వీకరించలి. 

ఈ విధంగా సంకష్టహర చతుర్థీ వ్రతాన్ని ఆచరించడం కష్టనివారణం, అభీష్టదాయకం.

సకల విఘ్నాలకు అధిపతి ఆదిదంపతుల కుమారుడైన వినాయకుడు, ఆయనను పూజీస్తే అన్ని సంకటాలు తొలగిపోతాయి. మన జీవితంలో ఎదురవుతున్న ఎలాంటి అడ్డంకునైనా తొలగించేందుకు, ఎలాంటి సమస్యనైనా పరిష్కరించేందుకు వినాయకుడి అనుగ్రహం చాలా అవసరం. 

ఆ వినాయకుడిని ప్రసన్నం చేసుకునేందుకు మన దగ్గర ఓ ఉపాయం ఉంది. అదే సంకటహర చతుర్థి!

ఆ రోజు కనుక వినాయకుని పూజిస్తే ఎలాంటి గ్రహదోషాలైనా తీరిపోతాయట. పెళ్లి కాకపోవడం, పిల్లలు లేకపోవడం లాంటి కష్టాలూ తొలగిపోతాయి. ఆర్థిక సమస్యలన్నీ దూరమైపోతాయి. 

ఈ పూజ చేసేవాళ్లు సూర్యోదయానికి ముందే నిద్ర లేవాలి. తలస్నానం చేసి పూజగదిని శుభ్రం చేసుకోవాలి. ఆ రోజంతా ఉపవాసం ఉండాలి. పాలు, పండ్లు, పచ్చికూరలు మాత్రం తీసుకోవచ్చు.

ఇక సాయంత్రం సూర్యాస్తమ సమయానికి అంటే సుమారు ఆరుగంటలకు వినాయకుడి పటానికి గరికతో చేసిన దండ వేసి, ఉండ్రాళ్లను నైవేద్యంగా పెట్టి, దీపం వెలిగించాలి.

ఆ తర్వాత చంద్రుడిని లేదా నక్షత్రాలను చూశాక కానీ ఉపవాసాన్ని విరమించకూడదు. ఇంట్లో పూజ ముగిసిన తర్వాత వీలైతే దగ్గరలో ఉన్న వినాయకుడి గుడికి వెళ్లి 3, 11 లేదా 21 ప్రదక్షిణలు చేయాలి.

అంగరక చతుర్థి.....

ఒకవేళ సంకష్ట హర చతుర్థి మంగళవారం కాని వస్తే దానిని అంగారక చతుర్థి అని అంటారు అలా కలిసి రావడం చాలా విశేషమైన పర్వదినం, ఈ అంగారక చవితి రోజున గణపతిని పూజించడం, ఈ వ్రతం ఆచరించడం వల్ల జాతకములోని కుజదోష సమస్యలు తొలగడంతో పాటుగా, చేసే పనులలో సంకటములన్నీ తొలగి సఫలతో చేకూరునని ప్రతీతి. 

"ఓం గం గణపతయే నమః"

పౌర్ణమి తరువాత వచ్చే చతుర్థి రోజున చేసే వ్రతంను సంకష్టహర చతుర్థి / సంకటహర చతుర్థి వ్రతం అంటారు. సంకష్టహర చతుర్థి రోజున అరమీటరు పొడవు ఉన్న తెలుపు లేదా ఎరుపు రవికల గుడ్డముక్క తీసుకుని వినాయకుడి ముందు పెట్టి దానిని పసుపు, కుంకుమలతో అలంకరణను చేయాలి. 

మనస్సులోని కోరికను తలచుకొని మూడు గుప్పిళ్ళ బియ్యాన్ని గుడ్డలో వేసిన తరువాత తమలపాకులో రెండు ఎండు ఖర్జూరాలు, రెండు వక్కలు, దక్షిణ పెట్టి మనసులోని కోరికను మరొకసారి తలచుకుని మూటకట్టాలి. 

సంకటనాశన గణేశ స్తోత్రం, లేదా గణేష్ పంచరత్న స్తోత్రం మరియు సంకట హర చతుర్థి వ్రత కథను చదవవలెను. ఆ మూటను స్వామి ముందు పెట్టి ధూపం వెలిగించి కొబ్బరికాయ లేదా పళ్ళు స్వామికి నివేదించాలి. 

తదుపరి గణపతి ఆలయానికి వెళ్ళి 3 లేక 11 లేక 21 ప్రదక్షిణాలు చేయాలి. శక్త్యానుసారము గరిక పూజను కాని, గణపతి హోమమును కాని చేయిన్చుకోనవచ్చును.

సూర్యాస్తమయం వరకూ పూజ చేసిన వినాయకుడిని కడపరాదు. సూర్యుడు అస్తమించిన తరువాత స్నానం చేసి దీపం వెలిగించి తిరిగి వినాయకుడికి లఘువుగా పూజ చేయాలి. నియమం పూర్తయిన తరువాత వినాయకుడికి కట్టిన ముడుపు బియ్యంతో పొంగలి చేసి స్వామికి నివేదించి సాయంత్రం తినాలి. 

ఈ వ్రతం చేయటం వలన ధనప్రాప్తి, పుత్రప్రాప్తి, ఆరోగ్యప్రాప్తి, విద్యాప్రాప్తి అంతేకాకుండా చాలా పుణ్యం పొందుతారని భావన. ఈ వ్రత మహత్యం వలన ఈ వ్రతం ఆచరించిన వారు ఎవరైనా స్వనంద లోకానికి వెడతారని అక్కడ భగవంతుని ఆశిస్సుల వల్ల ఎంతో ఆనందాన్ని అనుభవిస్తారని అంటారు. 

ఈ వ్రతం వల్ల ఏది కొరినా సిద్దిస్తుందని ప్రతీతి. ఈ మొత్తం ఆచరించడం కష్టమని భావించేవారు, ఉపవాసం చేసి, సంకటనాశన గణేశ స్తోత్రం చదివి, దగ్గరలో ఉన్న గణపతి ఆలయాన్ని సందర్శించినా సరిపోతుంది. 

ఉపవాసం కూడా చేయలేనివారు, కనీసం 4 సార్లు శ్రీ సంకటనాశనగణేశ స్తోత్రం పఠించడం ఉత్తమం.

ఏది చదివితే ఏమి ఫలితం వస్తుంది ..

ఏది చదివితే ఏమి ఫలితం వస్తుంది ...

1. గణనాయకాష్టకం - అన్ని విజయాలకు.

2. శివాష్టకం - శివ అనుగ్రహం..

3. ఆదిత్యహృదయం - ఆరోగ్యం , ఉద్యోగం...

4. శ్రీరాజరాజేశ్వరి అష్టకం - సర్వ వాంచసిద్ది...

5. అన్నపూర్ణ అష్టకం - ఆకలి దప్పులకి....

6. కాలభైరవ అష్టకం - ఆధ్యాత్మిక జ్ఞానం , అద్భుత జీవనం...

7. దుర్గష్టోత్తర శతనామం - భయహరం..

8. విశ్వనాథ అష్టకం - విద్య విజయం..

9. సుబ్రహ్మణ్యం అష్టకం - సర్పదోష నాశనం , పాప నాశనం..

10. హనుమాన్ చాలీసా - శని బాధలు , పిశాచపీడ...

11. విష్ణు శతనామ స్తోత్రం - పాప నాశనం , వైకుంఠ ప్రాప్తి...

12. శివ అష్టకం - సత్కళత్ర , సత్పురుష ప్రాప్తి...

13. భ్రమరాంబిక అష్టకం - సర్వ శుభప్రాప్తి...

14. శివషడక్షరి స్తోత్రం - చేయకూడని పాప నాశనం...

15. లక్ష్మీనరసింహ స్తోత్రం - ఆపదలో సహాయం , పీడ నాశనం.

16. కృష్ణ అష్టకం - కోటి జన్మపాప నాశనం..

17. ఉమామహేశ్వర స్తోత్రం - భార్యాభర్తల అన్యోన్యత..

18. శ్రీ రామరక్ష స్తోత్రం - హనుమాన్ కటాక్షం..

19. లలిత పంచరత్నం - స్త్రీ కీర్తి..

20. శ్యామాల దండకం - వాక్శుద్ధి..

21. త్రిపుర సుందరి స్తోత్రం - సర్వజ్ఞాన ప్రాప్తి..

22. శివ తాండవ స్తోత్రం - రథ గజ తురంగ ప్రాప్తి...

23. శని స్తోత్రం - శని పీడ నివారణ...

24. మహిషాసుర మర్ధిని స్తోత్రం - శత్రు నాశనం..

25. అంగారక ఋణ విమోచన స్తోత్రం - ఋణ బాధకి...

26. కార్యవీర్యార్జున స్తోత్రం - నష్ట ద్రవ్యలాభం..

27. కనకధార స్తోత్రం - కనకధారయే...

28. శ్రీ సూక్తం - ధన లాభం..

29. సూర్య కవచం - సామ్రాజ్య సిద్ది..

30. సుదర్శన మంత్రం - శత్రు నాశనం...

31. విష్ణు సహస్ర నామ స్తోత్రం - ఆశ్వమేధయాగ ఫలం...

32. రుద్రకవచం - అఖండ ఐశ్వర్య ప్రాప్తి..

33. దక్షిణ కాళీ - శని బాధలు , ఈతిబాధలు...

34. భువనేశ్వరి కవచం - మనశ్శాంతి , మానసిక బాధలకు..

35. వారాహి స్తోత్రం - పిశాచ పీడ నివారణకు...

36. దత్త స్తోత్రం - పిశాచ పీడ నివారణకు..

37. లలిత సహస్రనామం - సర్వార్థ సిద్దికి...

*నిత్యము భగవన్నామస్మరణ వలన ఎన్నో పాపాలు నశిస్తాయి..*

దయచేసి అందరికీ షేర్ చేయండి

ప్రతీ మనిషి ఆలోచన విధానం మారాలి 

లోకా సమస్తా సుఖీనోభవంతూ

ఓం శం శరవణభవ

                  *_🌻శుభమస్తు🌻_*

                              ఇట్లు

                                మీ

                         భవధీయుడు

                అవధానుల శ్రీనివాస శాస్త్రి 

                  ❀┉┅━❀🕉️❀┉┅━❀

           🙏సర్వే జనాః సుఖినోభవంతు🙏

          🙏లోకాస్సమస్తా సుఖినోభవంతు🙏

           🙏సమస్త లోకా సుఖినోభవంతు🙏

14 రకాల పాశుపత మంత్రములు - ప్రయోజనాలు............!!

14 రకాల పాశుపత మంత్రములు - ప్రయోజనాలు............!!

పాశుపత మంత్ర ప్రయోగం.... శివానుగ్రహం - సకల శుభాల ప్రాప్తి!

శివ ఆరాధనలలో అత్యంత శక్తివంతమైనది, ప్రత్యక్ష ఫలదాయకమైనది మరియు క్లిష్టమైనది పాశుపత మంత్ర ప్రయోగం. పురాతన కాలంలో శ్రీకృష్ణుడు అర్జునుడికి ఈ పాశుపత మంత్ర విధానాన్ని బోధించగా, అర్జునుడు దీని ద్వారా శత్రుంజయం చేసే పాశుపతాస్త్రాన్ని పొందాడు.

ఈ మంత్ర ప్రయోగం ద్వారా శివుని అనుగ్రహం పొంది, వివిధ రకాలైన కోరికలను నెరవేర్చుకోవచ్చు.

పాశుపత విధానం - సంపుటీకరణ రహస్యం:

పాశుపత మంత్ర ప్రయోగం అనేది రుద్ర సంపుటి ద్వారా చేయబడుతుంది. దీనిలో రుద్రంలోని 169 మంత్రాలను మనకు కావలసిన ప్రధాన మంత్రంతో సంపుటీకరించి శివునికి అభిషేకం చేస్తారు.

ఉదాహరణకు, ఆరోగ్యాన్ని, ఆయుర్వృద్ధిని ఇచ్చే అమృత పాశుపతాన్ని చేసే విధానం:

 * ముందుగా పాశుపత మంత్రం చెప్పాలి:

   ఓం హౌం ఓం జూం ఓం సః ఓం భూః ఓం భువః ఓం స్వః

   ఓం త్య్రంబకం యజామహే సుగంధిం పుష్టి వర్ధనం ।

   ఉర్వారుకమివ బంధనాన్మృత్యోర్ముక్షీయమామృతాత్‌ ।।

   ఓం స్వః ఓం భువః ఓం భూః ఓం సః ఓం జూం ఓం హౌం ఓం స్వాహా।

 * ఈ మంత్రం చెప్పిన తర్వాత రుద్రం లోని మొదటి మంత్రం చెప్పాలి.

 * తర్వాత మళ్లీ పైన చెప్పిన త్రయంబక మంత్రాన్ని చెప్పాలి.

 * ఆపై రుద్రంలోని తర్వాతి మంత్రాన్ని చెప్పాలి.

ఈ విధంగా 169 రుద్ర మంత్రాలను త్రయంబక మంత్రంతో సంపుటీకరిస్తే అది ఒక పాశుపతం అవుతుంది.

ముఖ్య గమనిక:

ఈ పాశుపత మంత్ర ప్రయోగాలు గురుముఖతః నేర్చుకొని, మంచి అనుభవజ్ఞులైన పండితుల చేత చేయించుకుంటేనే మంచి ఫలితాలు లభిస్తాయి.

14 రకాల పాశుపత మంత్రములు - ప్రయోజనాలు:

పాశుపత మంత్రములు ప్రధానంగా 14 రకాలు, ఒక్కొక్కటి ఒక్కో ప్రత్యేక ప్రయోజనం కోసం ఉద్దేశించబడింది:

 * మహా పాశుపతం (Maha Pashupatam):

   * ప్రయోజనం: జీవితంలోని ఆటంకాలను తొలగించడానికి, రాజ్యాధికారం వంటి గొప్ప కార్యాలను శీఘ్రంగా సాధించడానికి ఉపకరిస్తుంది. ముల్లోకములలో దీనికి సమానమైన మంత్రం లేదు.

   * మంత్రం: నమశ్శంభవేచ మయోభవేచ నమశ్శంకరాయచ మయస్కరాయచ నమశ్శివాయచ శివతరాయచ।।

   * అభిషేక ద్రవ్యాలు: పంచామృతాలు మరియు ఇతర అభిషేక ద్రవ్యాలు.

 * మహాపాశుపతాస్త్ర మంత్రం (Maha Pashupata Astra Mantra):

   * ప్రయోజనం: సకల కార్య సిద్ధికి, కోరిన కోరికలు నెరవేరడానికి (వాంఛితార్థ ఫలదాయిని).

   * మంత్రం: క్రాం క్రీం క్రోం ఘ్రం క ఎ ఇ ల హ్రీం నమశ్శంభవేచ మయోభవేచ నమశ్శంకరాయచ మయస్కరాయచ నమశ్శివాయచ శివతరాయచ।।

   * అభిషేక ద్రవ్యాలు: పంచామృతాలు మరియు ఇతర అభిషేక ద్రవ్యాలు.

 * త్రిశూల పాశుపతం (Trishula Pashupatam):

   * ప్రయోజనం: ఆరోగ్య సమస్యల నుండి ఉపశమనం, శత్రువుల నుండి రక్షణ మరియు అపమృత్యువును హరిస్తుంది.

   * విధానం: ఇది మిగతా పాశుపతాల కంటే భిన్నంగా ఉంటుంది. దీనిలో మొదట నమకం, తరువాత పురుషసూక్తం, తదనంతరం చమకం పఠించడం ద్వారా ఈ పాశుపత విధానం పూర్తవుతుంది.

 * అఘోర పాశుపతం (Aghora Pashupatam):

   * ప్రయోజనం: తీవ్రమైన ఆరోగ్య సమస్యలు, అపమృత్యు దోషాల నివారణకు చాలా శక్తివంతమైనది.

   * మంత్రం: ఓం అఘోరేభ్యో2ధఘోరేభ్యో ఘోరఘోరతరేభ్యః। సర్వేభ్య స్సర్వ శర్వేభ్యో నమస్తే అస్తు రుద్రరూపేభ్యః।।

   * అభిషేక ద్రవ్యాలు: పంచామృత అభిషేకముతో పాటు అష్టపుష్ప పూజ, క్షీరాన్న నివేదనం చేయాలి.

 * నవగ్రహ పాశుపతం (Navagraha Pashupatam):

   * ప్రయోజనం: జాతకంలోని గ్రహ దోషాల నివృత్తికి, గోచార గ్రహ పీడల నుండి విముక్తికి అత్యంత ఫలదాయకం.

   * మంత్రం: ఓం క్లీం శ్రీం ఐం హ్రీం గ్లౌం రం హుం ఫట్‌

   * అభిషేక ద్రవ్యాలు: పంచామృతాలు, బిల్వపత్రాలు, అష్టపుష్పాలు, క్షీరాన్నం.

 * కౌబేర పాశుపతం (Koubera Pashupatam):

   * ప్రయోజనం: ఐశ్వర్యాభివృద్ధి, ఆర్థిక లాభాలు, ధనాకర్షణ కోసం.

   * మంత్రం: రాజాధిరాజాయ ప్రసహ్య సాహినే । నమో వయం వై శ్రవణాయ కుర్మహే। సమే కామాన్కామ కామాయ మహ్య। కామేశ్వరో వైశ్రవణో దదాతు। కుబేరాయ వైశ్రవణాయ మహారాజాయ నమః।

   * అభిషేక ద్రవ్యాలు: ఆవు నెయ్యితో అభిషేకం, బిల్వపత్ర పూజ, మౌద్గదాన నివేదనం (పెసరపప్పుతో చేసిన ఆహారం).

 * మన్యు పాశుపతం (Manyu Pashupatam):

   * ప్రయోజనం: శత్రు బాధల నివారణకు, శత్రువుల నుండి రక్షణ పొందడానికి.

   * మంత్రం: సంపృష్టం ధనముభయం సమాకృతమస్మభ్యం దత్తాం వరుణశ్చమన్యుః। భియం దధానా హృదయేషు శత్రవః పరాజితాసో అపనిలయం ।।

   * అభిషేక ద్రవ్యాలు: ఖర్జూర ఫల రసాభిషేకం, జమ్మి పత్రి పూజ, మాషచక్ర నివేదనం (మినుములతో చేసిన ఆహారం).

 * కన్యా పాశుపతం (Kanya Pashupatam):

   * ప్రయోజనం: వివాహం కాని పురుషులకు ఇష్ట కన్యాప్రాప్తి, త్వరిత వివాహం.

   * మంత్రం: ఓం పావీ రవీ కన్యా చిత్రాయుస్సరస్వతీ వీరపత్నీధియంధాత్‌ । జ్ఞ్నాభిరచ్చిద్రగ్‌ ం శరణగ్‌ ం సజోషా దురాద్ష్రం గృణతే శర్మయగ్‌ ం సత్‌ ।।

   * అభిషేక ద్రవ్యాలు: పంచదార (పొడి చేసి) అభిషేకం, కరవీర పుష్పాలతో పూజ, చక్కెర పొంగలి నివేదనం.

 * వర పాశుపతం (Vara Pashupatam):

   * ప్రయోజనం: వివాహం కాని కన్యలకు ఇష్ట వరుడి ప్రాప్తి, శీఘ్ర వివాహం.

   * మంత్రం: ఓం క్లీం నమో భగవతే గంధర్వరాజ విశ్వావసో మమాభిలషితం వరక్షిప్రం ప్రయచ్ఛ స్వాహా।।

   * అభిషేక ద్రవ్యాలు: పంచదార (పొడి చేసి) అభిషేకం, కరవీర పుష్పాలతో పూజ, చక్కెర పొంగలి నివేదనం.

 * ఋణ విమోచన పాశుపతం (Rina Vimochana Pashupatam):

   * ప్రయోజనం: ఆర్థిక సమస్యలు, రుణ బాధల నుండి విముక్తి పొందడానికి.

   * మంత్రం: ఆనృణా అస్మిన్ననృణాః పరస్మిగ్గ్‌ న్తృతీయే లోకే అనృణాస్యామా। యే దేవయానా ఉత పితృయాణా సర్వాంపథో అన్నణా ఆక్షియేమ।।

   * అభిషేక ద్రవ్యాలు: చెరకు రసంతో అభిషేకం, వాకుడు పువ్వులతో పూజ, ఆవు నెయ్యి నైవేద్యం.

 * సంతాన పాశుపతం (Santana Pashupatam):

   * ప్రయోజనం: సంతాన భాగ్యం కోసం.

   * మంత్రం: ఓం కాణ్డాత్కాణ్డాత్ప్రరోహంతీ పరుషః పరుషః పరీ। ఏవానో దూర్వే ప్రతను సహస్రేణ శతేనచ।।

   * అభిషేక ద్రవ్యాలు: పంచామృతాలు, దూర్వాలు (గరిక) అభిషేకం కొరకు, బిల్వ పత్రాలు, అష్ట పత్రాలు అర్చన కొరకు, అపూపములు (అప్పడాలు), క్షీరాన్నం నైవేద్యం కొరకు.

 * ఇంద్రాక్షీ పాశుపతం (Indrakshi Pashupatam):

   * ప్రయోజనం: నిరంతర అనారోగ్యాలు, జ్వరాలు వంటి సమస్యల నుండి విముక్తి.

   * మంత్రం: భస్మాయుధాయ విద్మహే। రక్త నేత్రాయ ధీమహీ। తన్నో జ్వరః ప్రచోదయాత్‌ ।

   * అభిషేక ద్రవ్యాలు: భస్మంతో (భస్మోదకం) అభిషేకం, అష్ట పుష్పాలు, బిల్వ పత్రాలు పూజ కొరకు, మాష చక్రం నివేదనం.

 * వర్ష పాశుపతం (Varsha Pashupatam):

   * ప్రయోజనం: లోక కళ్యాణార్థం, సకాల వర్ష ప్రాప్తికి, కరువు కాటకాల నివారణకు.

   * మంత్రం: నమో రుద్రేభ్యో యే దివియేషాం వర్షమిషవస్తేభ్యో దశ ప్రాచీర్దశ దక్షిణా దశ ప్రతీచిర్దశోదీచిర్దశోర్ధ్వాస్తేభ్యో నమస్తేనో మృడయంతు తేయం ద్విశ్మోయశ్చవో ద్వేష్టితం వో జంభే దధామి.

   * అభిషేక ద్రవ్యాలు: పంచామృతాలు, నారికేళాలు అభిషేకం కొరకు, బిల్వపత్రాలు అర్చన కొరకు, క్షీరాన్నం నివేదనం కొరకు.

 * అమృత పాశుపతం (Amruta Pashupatam):

   * ప్రయోజనం: అన్నింటిలోకి ముఖ్యమైనది, అపమృత్యు హరం, సకల ఐశ్వర్య ప్రదం. దీర్ఘాయువు మరియు సమగ్ర అభివృద్ధికి.

   * మంత్రం: ఓం హౌం ఓం జూం ఓం సః ఓం భూః ఓం భువః ఓం స్వః

     ఓం త్య్రంబకం యజామహే సుగంధిం పుష్టి వర్ధనం ।

     ఉర్వారుక మివ బంధనాన్మృత్యోర్ముక్షీయమామృతాత్‌ ।।

     ఓం స్వః ఓం భువః ఓం భూః ఓం సః ఓం జూం ఓం హౌం ఓం స్వాహా।

   * అభిషేక ద్రవ్యాలు: పంచామృతాలు, బిల్వ పత్రాలు పూజ కొరకు.

ఈ పాశుపత మంత్ర ప్రయోగాలు శివుని అనుగ్రహాన్ని పొంది, మీ జీవితంలో సానుకూల మార్పులను తీసుకురావడానికి సహాయపడతాయి. అయితే, వీటిని నిర్వహించడానికి సరైన జ్ఞానం మరియు పవిత్రత అవసరం.

*క్రమం తప్పకుండా క్షురకర్మ hair cut చేసుకోవాలి*??

క్రమం తప్పకుండా క్షురకర్మ hair cut చేసుకోవాలి*??

 జుట్టు, గోళ్లు కత్తిరించుకోవడం చేయడం వల్ల కలిగే ప్రయోజనం 

పాపశమనం హర్షలాఘవసౌభాగ్యవర్ధనమ్ |

ఉత్సాహబలమోదార్థం క్షురకర్మ ప్రశస్యతే ||

ఇది పాపాలను అశుభాన్ని తొలగిస్తుంది, మనసుకి ఉత్సాహాన్ని, శరీరానికి తేలికదనాన్ని, అందాన్ని మరియు బలాన్ని ఇస్తుంది.

*బ్రహ్మచారులు*  ఎప్పుడూ చేసుకోవాలి???

బ్రహ్మచారి విద్యాభ్యాసం లో ఉండి నిష్ఠగా ఉండే వారు

మాసి మాసి చతుర్థ్యాం వా పౌర్ణమాస్యాం తథైవ చ|

క్షురకర్మ ప్రకర్తవ్యం బ్రహ్మచారివతైస్థితైః ||

 బ్రహ్మచారి వ్రతంలో ఉన్నవారు నెలకు ఒకసారి ముఖ్యంగా చతుర్థి లేదా పౌర్ణమి వంటి తిథులలో శాస్త్రోక్తంగా క్షురకర్మ చేసుకోవాలి.

*గృహస్థులు ...ఎప్పుడూ చేసుకోవాలి???

పక్షాంతే వా పక్షముఖే గృహస్థస్య విధీయతే |

క్షురకర్మ విశేషేణ శ్రేయస్కామస్య సర్వదా ||

శ్రేయస్సును కోరుకునే గృహస్థుడు పక్షం ముగిసేటప్పుడు (అమావాస్య/పౌర్ణమికి ముందు) లేదా పక్షం మొదట్లో క్షురకర్మ చేసుకోవాలి. అంటే నెలకు రెండుసార్లు చేసుకోవడం ఉత్తమం.

*యతీశ్వరులు ఎప్పుడూ ???

ఓషధ్యః ప్రసవంతి చ మాసి మాసి వపంత్యపి |

ఋతుసంధిషు వా కుర్యాత్ పక్షాంతేషు చ వా యతిః ||

 యతులు మాస సంధి (నెల నెలకు) లేదా ఋతు సంధి (ప్రతి రెండు నెలలకు) లేదా పక్షాంతమున (పక్షం చివరన) వపనం చేయించుకోవాలి.

*ప్రస్తుత ఆచారం: చాలామంది సన్యాసులు ప్రతి పౌర్ణమికి వపనం చేయించుకోవడం ఒక నియమంగా పాటిస్తారు.

************

*క్షుర కర్మ Hair cut చేసుకునే క్రమం???

నఖాని ప్రథమం ఛింద్యాత్ తతః శ్మశ్రూణి వపయేత్ 

తతః కక్షౌ తతః శీర్షం ఏష క్షురవిధిః స్మృతః ||"

*నఖాని ప్రథమం: మొదట గోళ్లను కత్తిరించాలి.

*తతః శ్మశ్రూణి: ఆ తర్వాత మీసాలు/గడ్డం ముఖం క్షౌరం చేయాలి.

*తతః కక్షౌ: ఆ తర్వాత చంకలు.

*తతః శీర్షం: చివరగా తల వెంట్రుకలను కత్తిరించాలి ఇది శాస్త్ర సమ్మతమైన క్షుర విధి.

*దిశ మరియు కూర్చునే పద్ధతి క్షౌరం చేయించుకునేటప్పుడు ఏ దిశకు ముఖం పెట్టాలి??? Direction 

"ప్రాఙ్ముఖః క్షురకర్మాణి కారయేత్ ప్రయత్నతః |

ఉదఙ్ముఖో వా కుర్వీత ఆయుష్యమభివర్ధతే ||"

ఆయుష్షు పెరగాలని కోరుకునే వారు తూర్పు ముఖంగా (East) లేదా ఉత్తర ముఖంగా (North) కూర్చుని క్షురకర్మ చేయించుకోవాలి. పడమర లేదా దక్షిణ దిశలు నిషిద్ధం.

*భోజన నియమం (నిరాహారిగా ఉండటం)???

క్షురకర్మను ఆహారం తీసుకోకముందే పూర్తి చేయాలని శాస్త్రం చెబుతోంది.

***"భుక్త్వా క్షురకర్మ న కుర్వీత"***

Before having food 

 భోజనం చేసిన తర్వాత క్షురకర్మ (క్షౌరం) చేయించుకోకూడదు. ఎందుకంటే క్షౌరం తర్వాత తప్పనిసరిగా స్నానం చేయాలి , భోజనం చేసిన వెంటనే స్నానం చేయడం ఆరోగ్యానికి (జీర్ణక్రియకు) హానికరం.

*******************

ముఖ్యంగా.......

*చెడు కాలాలు క్షురకర్మ hair cut అశుభం ????

"ఆయుష్య్యం కర్మణో హానిః పుత్రానాం చైవ నాశనమ్ |

ధనధాన్య వినాశశ్చ వారేషు క్షురకర్మణి ||"

తగని రోజుల్లో క్షురకర్మ (క్షౌరము haircut) చేయించుకోవడం వల్ల ఆయువు క్షీణించడం, పనులకు ఆటంకం కలగడం, సంతానానికి కష్టం కలగడం మరియు ధనధాన్యాలు నశించడం వంటి ఇబ్బందులు కలుగుతాయని దీని అర్థం.

*********

మరి ఏ రోజులు మంచివి?????

*శుభప్రదమైన తిథులు* (Auspicious Tithis)

"ద్వితీయా చ తృతీయా చ పంచమీ సప్తమీ తథా |

దశమీ చ త్రయోదశ్యాం క్షురం కుర్యాత్ శుభావహమ్ ||"

2 (విదియ), 3 (తదియ), 5 (పంచమి), 7 (సప్తమి), 10 (దశమి), 13 (త్రయోదశి) ఈ తిథులలో క్షౌరము శుభ ఫలితాలను ఇస్తుంది.

*********

*నిషిద్ధ తిథులు (Forbidden Tithis)???

"అష్టమ్యాం చ చతుర్దశ్యాం నవమ్యాం చైవ సర్వదా 

పర్వసంధిషు యత్నేన క్షురకర్మ వివర్జయేత్ ||"

*అష్టమి, నవమి, చతుర్దశి, పూర్ణిమ, అమావాస్య (పర్వదినాలు) మరియు సంక్రాంతి వంటి రోజుల్లో క్షవరం చేసుకోకూడదు.

*సమయం: గృహస్థులు సాధారణంగా నెలకు రెండుసార్లు (పక్షానికి ఒకసారి) క్షురకర్మ చేసుకోవడం ఉత్తమమని శాస్త్రం చెబుతోంది.

*రిక్తా తిథులు మరియు పర్వదినాలు నిషిద్ధం???

"చతుర్థీ నవమీ చైవ చతుర్దశ్యాం చ పర్వసు |

క్షురకర్మ న కుర్వీత పుత్రాయుః క్షేమ నాశనమ్ ||"

నిషిద్ధ తిథులు చతుర్థి (4), నవమి (9), చతుర్దశి (14). వీటిని 'రిక్తా' తిథులు అంటారు.

*పర్వదినాలు అమావాస్య, పౌర్ణమి, అష్టమి, ఏకాదశి మరియు సంక్రాంతి వంటి పుణ్య దినాల్లో క్షౌరము చేసుకోకూడదు.

*నిషిద్ధ నక్షత్రాలు (Forbidden Stars)*????

వ్యాధి లేదా ఆయుక్షీణతను కలిగించే నక్షత్రాలు:

"కృత్తికా భరణీ చైవ మఘా చాశ్లేష విశాఖః |

జ్యేష్ఠా మూలార్ద్ర నక్షత్రే క్షురం వర్జ్యం ప్రయత్నతః ||"

వర్జ్య నక్షత్రాలు: కృత్తిక, భరణి, మఖ, ఆశ్లేష, విశాఖ, జ్యేష్ఠ, మూల మరియు ఆరుద్ర నక్షత్రాలలో క్షౌరము ఖచ్చితంగా మానుకోవాలి.

*******

*శుభప్రదమైన నక్షత్రాలు (Auspicious Stars)???

క్షౌరమునకు అనుకూలమైన నక్షత్రాలు తెలుసుకుందాము ????

"అశ్విన్యుశన రోహిణ్యః పుష్యే పునర్వసు తథా |

శ్రవణం చ ధనిష్ఠా చ శతభిషక్ హస్త రేవతీ ||"

ఈ క్రింది నక్షత్రాలు క్షురకర్మకు ఉత్తమమైనవి

అశ్విని

మృగశిర

రోహిణి

పుష్యమి

పునర్వసు

శ్రవణం

ధనిష్ఠ

శతభిషం

హస్త

రేవతీ

స్వాతి, అనురాధ (కొన్ని గ్రంథాల ప్రకారం)

**********************

*వారాలను బట్టి ఫలితాలు ??????

రవౌ తాపః సోమే శోకో భౌమే మృత్యుర్బుధే ధనమ్ 

గురౌ పుత్రవినాశశ్చ భృగౌ లక్ష్మీః శనౌ మృతిః ||"

*రవౌ (ఆదివారం): తాపము (వేడి లేదా మనస్తాపం) కలుగుతుంది.

*సోమే (సోమవారం): శోకము (దుఃఖం) కలుగుతుంది. (గమనిక: కొన్ని గ్రంథాల్లో సోమవారం శుభప్రదమని కూడా ఉంది).

*భౌమే (మంగళవారం): మృత్యు భయం లేదా ఆయు క్షీణత.

*బుధే (బుధవారం): ధన లాభం మరియు శుభం కలుగుతుంది.

*గురౌ (గురువారం): సంతానానికి హాని లేదా విద్యా విఘ్నం.

*భృగౌ (శుక్రవారం): లక్ష్మీ కటాక్షం, సౌభాగ్యం కలుగుతుంది.

*శనౌ (శనివారం): మృతి (అనారోగ్యం లేదా ఆపదలు).

ఇంకో వివరణ 

ఆదివారే హరేదాయుః సోమవారే వివర్ధతే |

బుధవారే ధనం ధాన్యం శుక్రవారే చ సంపదః ||"

*ఆదివారం: ఆయువును హరిస్తుంది (తగ్గిస్తుంది).

*సోమవారం: ఆయువును వృద్ధి చేస్తుంది (పెంచుతుంది).

*బుధవారం: ధనధాన్యాలను ప్రసాదిస్తుంది.

*శుక్రవారం: సంపదను మరియు శుభాలను ఇస్తుంది.

*******

 వివాహము, ఉపనయనము వంటి శుభకార్యాల సమయంలో మరియు యజ్ఞ దీక్షలో ఉన్నప్పుడు ఈ నియమాలకు మినహాయింపు ఉంటుంది.

********

క్షౌరము చేసుకున్న తర్వాత తప్పనిసరిగా తలస్నానం చేయాలి  శాస్త్రం ప్రకారం, "క్షురకర్మణి స్నానం ఆచరేత్" అంటే క్షురకర్మ తర్వాత స్నానం చేయకపోతే అది అశుభంగా పరిగణించబడుతుంది.

*************

స్త్రీలకు క్షౌర శాస్త్ర విధి లేదు ( చేయకూడదు )

*సర్వాన్ కేశాన్ సముద్ధృత్య ఛేదయేదంగుళద్వయమ్ |

ఏవం నారీకుమారీణాం శిఖాయాస్తు వివర్జనమ్ ||

*స్త్రీలు లేదా కుమారిలు ప్రాయశ్చిత్తం చేసుకోవాల్సి వచ్చినప్పుడు కూడా పూర్తిగా గుండు చేయించుకోకూడదు. జుట్టు చివరలను కేవలం రెండు అంగుళాల మేర మాత్రమే కత్తిరించాలి (వపనానికి బదులుగా).

*శాస్త్రం ప్రకారం స్త్రీల జుట్టు లక్ష్మీ స్వరూపం. కాబట్టి, వేదోక్తంగా లేదా ధర్మబద్ధంగా స్త్రీలు గుండు చేయించుకోవడం లేదా అనవసరంగా జుట్టు కత్తిరించుకోవడం నిషిద్ధం.

************************************

'ముండనం' (मुण्डनम्) గుండు కొట్టించడం??????

*పుణ్యక్షేత్ర కాశీ, ప్రయాగ వంటి పుణ్యక్షేత్రాలకు వెళ్ళినప్పుడు పురుషులు తప్పనిసరిగా గుండు చేయించుకోవాలని శాస్త్రం చెబుతుంది, కానీ స్త్రీలకు ఆ నియమం లేదు.

"ముండనం చోపవాసశ్చ సర్వతీర్థేష్వయం విధిః |

వర్జయిత్వా కురుక్షేత్రం విశాలం పుష్కరం గయామ్ ||"

ఈ విధి పురుషులకు వర్తిస్తుంది. స్త్రీల విషయంలో కేవలం "వేణి దానం" (వేణి అంటే జడ - జడ చివరను కొద్దిగా కత్తిరించడం) మాత్రమే చేయాలని నిర్ణయించబడింది.

ప్రయాగే కాశీకాపుర్యాం గయాయాం చ విశేషతః |

వపనం చైవ కర్తవ్యం పితౄణాం తారణాయ చ ||

ప్రయాగలో, కాశీలో, మరియు ముఖ్యంగా గయలో పితృదేవతల ఉద్ధరణ కోసం మరియు తన పాప పరిహారం కోసం క్షౌరం (గుండు) చేయించుకోవాలి.

 ఈ శ్లోకం అక్కడ చదువుకోవాలి....

యాని కాచాపి పాపాని బ్రహ్మహత్యా సమాని చ |

కేశానాశ్రిత్య తిష్ఠంతి తస్మాత్ కేశాన్ వపామ్యహమ్ ||

 బ్రహ్మహత్యా పాతకంతో సమానమైన నా పాపాలన్నీ నా వెంట్రుకలను ఆశ్రయించి ఉన్నాయి. అందుకే ఆ పాపాలను వదిలించుకోవడానికి నేను ఈ కేశాలను తొలగించుకుంటున్నాను.

**************

కొందరి వంశాలలో?????

పితృకార్యము/అశౌచ సందర్భంలో 

"జ్ఞాతిభిః సహితః కుర్యాత్ కేశశ్మశ్రు నఖచ్ఛేదనం |

సర్వపాప విశుద్ధ్యర్థం వపనం కారయామ్యహమ్ ||"

జ్ఞాతులతో (బంధువులతో) కలిసి, చేసిన సమస్త పాపాల నుండి విముక్తి పొంది, శుద్ధిని సాధించడం కోసం శిరోజాలను, మీసాలను, గోర్లను తొలగించుకుంటున్నాను అని దీని అర్థం.

*************

ఒకే కుటుంబం లో తండ్రి కొడుకు క్షౌరము నిషిద్ధం????

పితాపుత్రౌ తథా భ్రాతృ ద్వయం చైకత్ర వాసరే |

క్షౌరం చ నైవ కుర్వీత ముండనం మరణప్రదమ్ ||"

తండ్రి మరియు కుమారుడు, అలాగే అన్నదమ్ములు ఇద్దరు కలిసి ఒకే రోజున క్షౌరం లేదా గుండు చేయించుకోకూడదు. అలా చేయడం వల్ల వంశానికి కీడు జరుగుతుందని లేదా ఆయుక్షీణం (మరణప్రదం) కలుగుతుందని శాస్త్రం హెచ్చరిస్తోంది.

ఈ నియమానికి సంబంధించిన ముఖ్య విషయాలు

*వరుస క్రమం: ఒకే ఇంట్లో తండ్రి, కొడుకు ఉండగా.. ముందు తండ్రికి క్షౌరం జరగాలి, ఆ తర్వాత కొడుకుకి జరగాలి. కానీ ఇద్దరూ ఒకే రోజు చేయించుకోవడం నిషిద్ధం.

*మినహాయింపులు ఈ నియమం సాధారణ సందర్భాలకు మాత్రమే వర్తిస్తుంది. అయితే కొన్ని ప్రత్యేక పరిస్థితులలో దీనికి మినహాయింపులు ఉన్నాయి

*తీర్థయాత్రలు: కాశీ, ప్రయాగ వంటి పుణ్యక్షేత్రాలకు వెళ్ళినప్పుడు, గంగానది తీరంలో మొక్కులు తీర్చుకునేటప్పుడు తండ్రి-కొడుకు కలిసి గుండు చేయించుకోవచ్చు.

*అశౌచం (మైల) కుటుంబంలో ఎవరైనా మరణించినప్పుడు వచ్చే అశౌచ సమయంలో శుద్ధి కోసం అందరూ కలిసి క్షౌరం చేయించుకోవచ్చు.

*యజ్ఞ దీక్ష: ఏదైనా యజ్ఞం లేదా పెద్ద వ్రతం చేసే సమయంలో దీక్షాంగంగా చేసే క్షౌరానికి ఈ దోషం వర్తించదు.

****************************************

బ్రిటిష్ వాళ్ళు కావాలని sundays అలవాటు చేసి 

ఆరోగ్యం ఆయుషు  భారతీయుల్ని దారి మళ్లించారునెలల ప్రకారం ఆయు క్షీణ విషయం 

రవివారే భవేన్మాసం, మంగళే చ చతుర్దశ |

గురువారే అష్టమాసం చ, శనివారే తు సప్తచ ||"

*ఆదివారం: క్షౌరం చేసుకుంటే 1 నెల ఆయువు క్షీణిస్తుంది.

*మంగళవారం: క్షౌరం చేసుకుంటే 8 నెలల ఆయువు క్షీణిస్తుంది.

*శనివారం: క్షౌరం చేసుకుంటే 7 నెలల ఆయువు క్షీణిస్తుంది.

*గురువారం: క్షౌరం చేసుకుంటే 10 నెలల ఆయువు క్షీణిస్తుంది. దీనికి exeption ఉంది

*పై చిత్రం చిన్నహాస్యం ఆనందం  కోసం మాత్రమే

ఎవరిని నిందించడం అభిప్రాయం కాదు*

*************************************

శ్రీ గోవింద నారాయణ మహాదేవ 🙏 

*రాళ్ళబండి శర్మ*

సొంత వాహనాలు డ్రైవింగ్ రూట్ మార్గదర్శకం ఏకాదశ రుద్రులు

K.K. Mangapathi's  ( Ekadasa rudrulu )

      సొంత వాహనాలు డ్రైవింగ్ రూట్ మార్గదర్శకం

                        ఏకాదశ  రుద్రులు 

రావులపాలెం నుంచి స్వంత వాహనాలు ద్వార  ఏకాదశ  రుద్రులు సందర్శన యాత్ర:  రావులపాలెం నుంచి ముక్కామల చేరుకోవాలి. 

1) ముందుగా ముక్కామల శివాలయ దర్శనం 

(కాలాగ్నిరుద్రాయ).

2) ముక్కామల నుంచి నేదునూరుకు ప్రయాణం. నేదునూరు శివాలయ దర్శనం (త్రికాగ్నికాలయ) తర్వాత వక్కలంకకు (వయా)ముక్కామల మీదగా ప్రయాణం.

3) వక్కలంక శివాలయ దర్శనం (త్రిపురాంతకాయ) పిమ్మట ఇరుసుమండకు ప్రయాణం (వయా) ముక్కామల.

4) ఇరుసుమండ శివాలయ దర్శనం (త్ర్యంబకాయ) పిమ్మట పులేటికుర్రుకు ప్రయాణం.

5) పులేటికుర్రు శివాలయ దర్శనం (శ్రీ మన్మహాదేవాయ)

పిమ్మట వ్యాఘ్రేశ్వరంకు ప్రయాణం.

6) వ్యాఘ్రేశ్వరం శివాలయ దర్శనం (విశ్వేశ్వరాయ) పిమ్మట కె. పెదపూడికు ప్రయాణం.

7) కె. పెదపూడి శివాలయ దర్శనం (మహాదేవాయ) పిమ్మట గంగలకుర్రుకు ప్రయాణం.

8) గంగలకుర్రు శివాలయ దర్శనం (సదాశివాయ) పిమ్మట గంగలకుర్రు అగ్రహారంకు ప్రయాణం.

9) గంగలకుర్రుక అగ్రహారం శివాలయ దర్శనం (సర్వేశ్వరాయ) పిమ్మట పాలగుమ్మి కు ప్రయాణం.

10. పాలగుమ్మి శివాలయ దర్శనం (మృత్యుంజయాయ) పిమ్మట మొసలపల్లి కు ప్రయాణం.

11. మొసలపల్లి శివాలయ దర్శనం (నీలకంఠాయ) పిమ్మట పులేటికుర్రుకు (వయా) జగ్గన్న తోట మీదగా

తిరుగు ప్రయాణం. పులేటికుర్రుకు నుంచి రావులపాలెం  నకు (వయా) ముక్కామల మీదగా ఇంటికి ప్రయాణం.

******

డ్రైవింగ్ రూట్ మార్గదర్శకం:

1) రావులపాలెం నుంచి అమలాపురం (వయా) కొత్తపేట, ముక్కామల, ఇరుసుమండ, పులేటికుర్రు, కె. పెదపూడి, అంబాజీపేట, బండారులంక మీదగా బస్సులు ఉంటాయి. ఇది రాష్ట్రీయ దారి. 

2) రావులపాలెం నుంచి అమలాపురం (వయా) కొత్తపేట, ముక్కామల మీదగా NH-216E  కూడ ఉంది. ముక్కామల బస్ స్టాప్ నుంచి కాలువ గట్టు మీదగా  అమలాపురం (ఈదరపల్లి bypass road) కలదు. ఇది NH-216E Road. 

ఈ bypass road లో దేవి సెంటర్  (మొసలపల్లి), పాలగుమ్మి Road point, గంగలకుర్రుక అగ్రహారం road point ఉంటాయి.  రావులపాలెం నుంచి అమలాపురం bypass road అమలాపురం బస్ స్టాండ్ సెంటర్ చేరుతుంది.

* రాష్ట్రీయ రోడ్డులో ముక్కామల బస్ స్టాండ్ ఉంటుంది. ఇక్కడే రాష్ట్రీయ రోడ్డు మరియు NH-216E (bypass road) విడిపోతాయి.  ముక్కామల కాలువ మీద bridge ఉంది. బ్రిడ్టి మీదగా  ముక్కామల శివాలయ చేరవచ్చును.  400 మీటర్లు దూరాన శ్రీ బాలాత్రిపురసుందరీ సమేత శ్రీ రాఘవేశ్వర స్వామి ఆలయం (కాలాగ్నిరుద్రాయ) ఉంది.

 కాలాగ్నిరుద్రాయ దర్శనం పిమ్మట నేదునూరుకు ప్రయాణం.

* ముక్కామల నుంచి నేదునూరుకు ప్రయాణం. ఇది బ్రాంచి రోడ్డు. ముక్కామల గ్రామం నకు ఆగ్నేయం దిశగా సుమారు 5.5 కీ.మీ దూరంలో నేదునూరు గ్రామం ఉంటుంది.  నేదునూరు శివాలయ దర్శనం (త్రికాగ్నికాలయ),  పిమ్మట ముక్కామల ప్రయాణం. తిరిగి ముక్కామల చేరుకోవాలి. ముక్కామల నుంచి వక్కలంక ప్రయాణం. 

* ముక్కామల నుంచి వక్కలంకకు ప్రయాణం. ఇది బ్రాంచి రోడ్డు. ముక్కామల గ్రామం నకు ఉత్తరంగా సుమారు 2.5 కీ.మీ దూరాన వక్కలంక గ్రామం ఉంటుంది. వక్కలంక శివాలయ దర్శనం (త్రిపురాంతకాయ) పిమ్మట ముక్కామల ప్రయాణం.  తిరిగి ముక్కామల చేరుకోవాలి.

* ముక్కామల నుంచి ఇరుసుమండకు ప్రయాణం. 

రాష్ట్రీయ రోడ్డులో Roadకు ప్రక్కనే ఇరుసుమండ శివాలయ ఉంటుంది. త్ర్యంబకాయ దర్శనం పిమ్మట పులేటికుర్రుకు ప్రయాం.

* ఇరుసుమండ నుంచి పులేటికుర్రుకు ప్రయాణం. 

రాష్ట్రీయ రోడ్డులోని పులేటికుర్రు శివాలయ ఉంటుంది.  శ్రీ మన్మహాదేవాయ దర్శనం పిమ్మట వ్యాఘ్రేశ్వరంకు ప్రయాణం.

* పులేటికుర్రు గ్రామంలో వ్యాఘ్రేశ్వరం సెంటర్ (అమలాపురం వైపు) ఉంది. ఇక్కడ నుంచి పశ్చిమ వైపుగా సుమారు 1.5 కీ.మీ దూరంలో వ్యాఘ్రేశ్వరం గ్రామం ఉంటుంది. వ్యాఘ్రేశ్వరం శివాలయ దర్శనం (విశ్వేశ్వరాయ రుద్రుడు). పిమ్మట కె. పెదపూడి (వయా) వ్యాఘ్రేశ్వరం సెంటర్ మీదగా ప్రయాణం.

* వ్యాఘ్రేశ్వరం సెంటర్ నుంచి కె. పెదపూడికు (అమలాపురం వైపు) ప్రయాణం.  రాష్ట్రీయ రోడ్డులో  కె. పెదపూడి ఉంటుంది. రాష్ట్రీయ రోడ్డుకు కొంత లోపలకి (కుడి వైపు) కె. పెదపూడి శివాలయ ఉంటుంది. ఇక్కడ మహాదేవాయ రుద్రుడు దర్శనం. పిమ్మట గంగలకుర్రు గ్రామం నకు ప్రయాణం. 

* కె. పెదపూడి రాష్ట్రీయ రోడ్డులో  ఎడమ వైపున Veera vari street ఉంటుంది. ఈ వీర వారి వీధి నుంచి గంగలకుర్రు చేరవచ్చును. స్ధానికులు సహాయం తీసుకోండి.  శివాలయం పెద్ద వీధిలోని Post office ఉంటుంది. ఆదే వీధిలో గంగలకుర్రు శివాలయ (సదాశివాయ రుద్రుడు) దర్శనం అవుతుంది. పిమ్మట గంగలకుర్రు అగ్రహారం నకు ప్రయాణం.

* గంగలకుర్రు నుంచి గంగలకుర్రు అగ్రహారం నకు రాచపాలెం రోడ్డు మీదగా ప్రయాణం. స్ధానికులు సహాయం తీసుకోండి. గంగలకుర్రుక అగ్రహారంలో శివాలయ దర్శనం (సర్వేశ్వరాయ). పిమ్మట పాలగుమ్మి గ్రామం నకు ప్రయాణం.

* గంగలకుర్రుక అగ్రహారం నుంచి పాలగుమ్మి పాఠశాలకు పోవు రోడ్డు మీదగా పాలగుమ్మి శివాలయం నకు ప్రయాణం. వీటి మధ్య దూరం సుమారు ఒక కీ.మీ. స్ధానికులు సహాయం తీసుకోండి. పాలగుమ్మి శివాలయ దర్శనం (మృత్యుంజయాయ). పిమ్మట మొసలపల్లికి ప్రయాణం.

* పాలగుమ్మి శివాలయం నుంచి పాలగుమ్మి శివాలయం సెంటర్ (Road point) చేరుకోవాలి. ఇది అమలాపురం (ఈదరపల్లి bypass road) నుంచి ముక్కామల పోవు NH-216E Road లో ఉంటుంది. వీటి మధ్య దూరం సుమారు ఒక కీ.మీ. ఇక్కడ నుంచి దేవి సెంటర్  (మొసలపల్లి) ప్రయాణం. వీటి మధ్య దూరం సుమారు 1.7 కీ.మీ. దూరం. NH-216E Road లో గల దేవి సెంటర్  (మొసలపల్లి) నుంచి మొసలపల్లి శివాలయం నకు ప్రయాణం. వీటి మధ్య దూరం సుమారు ఒక కీ.మీ. మొసలపల్లి శివాలయ దర్శనం (నీలకంఠాయ). దీనితో ఏగాదశ రుద్రులు దర్శనం పూర్తి అయింది.

Return journey:

మొసలపల్లి నుంచి పులేటికుర్రు (జగ్గన్న తోట సెంటర్) Road point కు (వయా) జగ్గన్న తోట మీదగా తిరుగు ప్రయాణం. వీటి మధ్య దూరం సుమారు 3.2 కీ.మీ. దూరం. 

పులేటికుర్రు (జగ్గన్న తోట సెంటర్) Road point నుంచి ముక్కామల బస్ స్టాండ్ దూరం 1.8 Kms. ముక్కామల నుంచి రావులపాలెం మీదగా ఇంటికి ప్రయాణం. 

(2) మొసలపల్లి నుంచి దేవి సెంటర్ & దేవి సెంటర్ నుంచి ముక్కామల కు (వయా) NH-216E మీదగా చేరాలి. వీటి మధ్య దూరం సుమారు 3.2 కీ.మీ. దూరం. 

అమలాపురం (ఈదరపల్లి bypass road) నుంచి ముక్కామల పోవు NH-216E Road లో దేవి సెంటర్ ఉంటుంది.

*****

తిరుమల_మాడ_వీధి_అంటే_ఏమిటి

తిరుమల_మాడ_వీధి_అంటే_ఏమిటి

🌻#తిరుమల_మాడ_వీధుల_యొక్క_పూర్తి 

#వివరాలు_తెలుసుకుందాం🌻

🌻తమిళంలో ఆలయానికి చుట్టూ అర్చకులు నివసించే ఇళ్ళున్న వీధులను పవిత్రంగా భావించి 'మాడాం' అని పిలుస్తారు. అదే మాడవీధులుగా మారింది

🌻ఒకప్పుడు ఆలయం చుట్టూ స్వామి వారు వాహనంలో ఊరేగటానికి గాను సరియైన వీధులుండేవి కావు. అంచేత బ్రహ్మోత్సవాల సమయంలో ధ్వజారోహణ ఇక్కడ చేసినా మిగతా కార్యక్రమాలు, ఊరేగింపులు తిరుచానూరులో జరిపేవారు

🌻శ్రీరామానుజుల వారు దేవాలయం చుట్టూ వీధుల నేర్పరిచి స్వామివారు ఆ వీధుల్లో ఊరేగేందుకు ఏర్పాట్లు చేశారు. తదనంతరం తి.తి.దే. మాస్టర్ ప్లాన్ లో భాగంగా వీధుల్ని మరింత వెడల్పు చేసి సుందరంగా తీర్చిదిద్దారు.

🌻తిరుమల ఆలయం చుట్టూ నాలుగు మాడ వీధులున్నాయి.

వీటిని నాలుగు వేదాలకు ప్రతీకలుగా భావిస్తారు

🌻1.#తూర్పు_మాడ_వీధి.

🌻ఆలయం తూర్పు ముఖంగా ఉంది ఎదురుగా ఉన్నదే తూర్పు మాడవీధి.

🌻శ్రీవారి ఆలయం ముందు నుండి పుష్కరిణి వరకుండే వీధిని తూర్పు మాడ వీధి అంటారు. ఒకప్పుడు పుష్కరిణి గట్టు పైన కూడా ఇళ్ళుండేవి.

🌻ఈ వీధిలోనే శ్రీవారి కొయ్య రథం ఉండేది శ్రీవారి ఆలయానికి ఎదురుగా ఉన్న

(ఉండే) వీధిని సన్నిధి వీధి అంటారు

🌻ఒకప్పుడు సన్నిధి వీధి, వేయికాళ్ళ మండపం ఉండేవి. సన్నిధి వీధికి ఇరు ప్రక్కలా అంగళ్ళుండేవి. ఈ వీధికి ప్రారంభంలో గొల్ల మండపం, చివరలో బేడి ఆంజనేయస్వామి గుడి ఉండేవి.

🌻క్రీ.శ. 1464 నాటి శాసనం ప్రకారం ఎర్రకంప దేవకుమారుడు సాళువ మల్లయ్య దేవ మహారాయ వెయ్యి కాళ్ళ మండపం కట్టించారు. 

🌻మాస్టర్ ప్లాన్ లో భాగంగా  కళా నైపుణ్యం గల చారిత్రాత్మక కట్టడం వెయ్యి కాళ్ళ మండపం తొలగించబడింది.

🌻2.#దక్షిణ_మాడ_వీధి

🌻ఈ వీధిలోనే తిరుమల నంబి గుడి ఉంది.దీని పక్కనే-ప్రస్తుతం వైకుంఠం క్యూ కాంప్లెక్సు నుండి గుడికి చేరే వంతెన కిందే ఒకప్పుడు గుర్రాల పాక ఉండేదట. కొండ కొచ్చిన రాజుల గుర్రాలను అక్కడ కట్టి వేసేవారట ఈ వీధి మొదట్లో (ఆగ్నేయంలో) 'ఊంజల్ మండపం' ఉంది

🌻ఇది వరకు శ్రీవారికి ఊంజల్ సేవ, సహస్ర దీపాలంకరణ సేవ ఈ మండపంలోనే జరిగేవి. ప్రతిరోజూ సాయంత్రం శ్రీనివాసుడు తన ప్రియసఖులతో ఈ మండపం లోనే ఊయల ఊగుతూ భక్తులకు కనువిందు చేసేవాడు.

🌻దీన్ని ఇటీవల ఆలయం ముందున్న విశాల ప్రాంగణంలోకి మార్చటం జరిగింది తిరుమల నంబి గుడి తర్వాత 'ఉగ్రాణం'(ప్రసాదాలు తయారీకి అవసరమైన సరుకులు నిల్వ ఉంచు చోటు )ఉంది.

🌻3.#పడమర_మాడ_వీధి.

🌻ఆలయానికి వెనక వైపున ఉన్నదే పడమర మాడవీధి. ఒకప్పుడు ఎన్నో మఠాలు, సత్రాలు ఉండేవి

ప్రస్తుతం తిరుమల చిన జీయర్ స్వామి మఠం, (తిరుమల చిన్న జియ్యర్ పెద్ద జీయర్ ఏకాంగి అనే వ్యస్థను 11 వ శతాబ్దం లో రామానుజాచార్య స్వామి వారు ఏర్పాటు చేశారు)  కర్ణాటక కళ్యాణ మండపం, వసంత మండపం ఉన్నాయి అనంతాళ్వారు తోట శ్రీవారి ఆలయానికి పడమర దిక్కులో ఉంది.

🌻4.#ఉత్తర_మాడ_వీధి.

🌻ప్రస్తుత పుష్కరిణికి పడమటి వైపున పాత పుష్కరిణి ఉండేది అచ్యుతరాయలు 16వ శతాబ్దంలో మళ్ళీ తవ్వించి 'అచ్యుతరాయ కోనేరు' అని పేరు మార్చాడని చెబుతారు. కొందరు ఆ పేరుతో మరో కోనేరు తవ్వించాడంటారు. ఏది ఏమైనా

పుష్కరిణిగానే ప్రసిద్ధి గాంచింది.

🌻ఉత్తర మాడ వీధి లో ఉత్తరాది వారి మఠం, తిరుమల నంబి తోళపు కైంకర్య నిలయం, అహెబిల మరం శ్రీ వైఖానస అర్చక నిలయం ఈ వీధిలోనే ఉన్నాయి

స్వామి పుష్కరిణి ఈ వీధిలోనే ఉంది. శ్రీవారి ఆలయానికి ఉత్తర దిశలో వరాహ స్వామి ఆలయం ఉంది ఈ వీధిలోనే తాళ్ళపాక వారి ఇల్లు ఉండేది.తరిగొండ వెంగమాంబ మొదట్లో ఇదే వీధిలో గల ఇంటిలో నివసించేది. ఆమె సమాధి.తరిగొండ బృందావనం - ఇదే వీధిలో అర్చకుల క్వార్టర్స్ వెనకాల గల  ఉంది.

🌻ఒకప్పుడు రాజులు విడిది చేసే అంతఃపురం కూడా ఈ వీధిలోనే ఉండేదని చెబుతారు.

ఉత్తరమాడ వీధిలోనే పుష్కరిణి ఒడ్డున శ్రీ వ్యాసరాజ అహన్నిక మంటపం, ఆంజనేయస్వామి సన్నిధి, శ్రీ విఖనస మహర్షి సన్నిధి ఉన్నాయి.వాటి కెదురుగా శ్రీ రాధాకృష్ణ దేవాలయం, శ్రీ హయగ్రీవ మందిరం కలవు.

ఆనంద నిలయం చుట్టూ ఉన్న ఈ  నాలుగు మాడ వీధులు లో చేసే ప్రదక్షిణ కి మహా ప్రదక్షిణం అని పేరు.

🌻తిరుమాడ ప్రదక్షిణ ప్రియ గోవిందా🌻

🌻మహా ప్రదక్షిణ ప్రియ గోవిందా🌻

🌻ఆనంద నిలయ వాసా గోవిందా !గోవిందా🌻

🌷🌻మిత్రులందరికీ శనివారం శుభ శుభోదయ శుభాకాంక్షలు..మీ బుజ్జి🌻🌷