గండ భేరుండ నరసింహ రూపం - ఆధ్యాత్మిక,మంత్ర శాస్త్ర విశ్లేషణ.........!!

 గండ భేరుండ నరసింహ రూపం - ఆధ్యాత్మిక,మంత్ర శాస్త్ర విశ్లేషణ.........!!

 ఇది అష్ట ముఖ గండభేరుండ నరసింహాకారం. దీనిని "గండభేరుంఢ పక్షి నృసింహ స్వామి" అంటారు. హిరణ్య కశ్యపుడితో, యుద్ధం చివరి దశలో ....ఆ దైవం చివరికి ఈ రూపాన్ని ప్రకటించాడు. మంత్ర రాజ పద మూల మంత్రంలో "సర్వతో ముఖం" అనే పదం ఉంది. హిరణ్య కశ్యపుడు, నృసింహుని చూసినపుడు , అతనికి నృసింహుడు అనేక రూపాలతో కనిపించాడు. 1. సింహం 2. పులి 3. కోతి 4. ఎలుగుబంటి 5. అడవి పంది 6. గరుడ 7. గుఱ్ఱం 8. మొసలి. 8 తలలు, 32 చేతుల అనుష్టుప్ మూల మంత్రం / మంత్ర రాజ పద మూల మంత్రం లోని 32 అక్షరాలను సూచిస్తాయి్ ఒక్కో అక్షరం/ఒక్కో బీజాక్షరం, 1,00,008 ఉపాక్షరాలను సూచిస్తుందో. ఇక్కడ హిరణ్య కశ్యపుడు, దైవాన్ని ...తన హృదయంలోనూ, బాహ్యం లోనూ, చూడగలిగాడు గనుక (అంతర బహిశ్చ తత్సర్వ వ్యాప్య నారాయణ స్థితః....), రెండుతలల పక్షి రూపం , ఇందుకు సూచనగా కనిపిస్తుంది. అహం స్థితికి, నిజ స్థితికి ఇది ప్రతీక.

    ఈ రూపంలో ఉన్న దైవం "అఘోర మూర్తి".  అద్భుతాన్ని మించే అందం, గహన గంభీరం, మానసాతీతం. హిరణ్య కశ్యపుని చంపేటపుడు...ఈ రూపంలో దైవం దర్శన మివ్వగానే, అతడు ఈ రూపం చూసి ఆత్మజ్ఞానం పొందాడట. అతను సరిగ్గా చనిపోయేముందు , గరుత్మంతుడు దయతో,  హిరణ్య కశ్యపుడి చెవిలో , "నరసింహుడి చరమ శ్లోకం" చెప్పాడు. అందుకే మనం , హిరణ్య కశ్యపుడి తల వద్ద "శ్వేత గరుడిని"చూడవచ్చు. ఈ "గండభేరుండ నరసింహ రూపం" , నృసింహుని యొక్క అరుదైన రూపం.

   "గండభేరుండ నృసింహం భావయామి"