పంచాయతన* దేవత ఆరాధన విశేషములు

సనాతన ధర్మంలో  *పంచాయతన* దేవత ఆరాధన విశేషములు*

#పంచాయతనం 

#శివార్చన

#विष्णुपूजा

#దేవతార్చన 

#అభిషేకార్చన 

#shivapanchayatana 

#panchayatana 

#Shivarchana 

#शिवार्चना 

#विष्णुपूजा 

శుద్ధస్ఫటిక సంకాశం సచ్చిదానంద విగ్రహమ్ | దాతారం సర్వకామానాం కామేశ్వర ముపాస్మహే ॥

*పంచాయతన పూజావశ్యకతా*  :

గర్గోవాచ

శివం విష్ణుం గణపతిం దుర్గాం రవి మతఃపరమ్ | పంచైతాన్యజేన్నిత్యం నాత్రకార్యా విచారణా ॥ ఆదిత్యశ్చాంబికావిష్ణుః గణనాథో మహేశ్వరః | ఏతేషామంశ మాశ్రిత్య సర్వేనుయంతి చాపరే | తస్మాదేతాన్యజేన్నిత్యం అన్యథాపతితో భవేత్ ॥

శివుడు, విష్ణువు, గణపతి, దుర్గ, మరియు సూర్యుడు ఈ ఐదుగురు దేవతలను ప్రతిరోజు పూజించాలి. దీని గురించి ఎలాంటి సందేహాలు అవసరం లేదు

సూర్యుడు , అమ్మవారు ,విష్ణువు, గణపతి, మహేశ్వరుడు —ఈ ఐదుగురు పంచాయతన దేవతలు. మిగతా దేవతలంతా వీరి అంశల నుంచే వచ్చారు. కాబట్టి, ఈ ఐదుగురిని రోజూ పూజించాలి. అలా చేయకపోతే పతితులౌతారు.

శివం భాస్కరమగ్నిం చ కేశవం కౌశికీమపి మనసానర్చయన్ యాతి దేవలోకాదధోగతిమ్ ॥ పృథగప్యేక పాకానాం బ్రహ్మయజ్ఞో ద్విజాతినాం అగ్నిహోత్రం సురార్చాచ సంధ్యానిత్యం భవేత్తతః ||

శివుడిని, సూర్యుడిని ,అగ్నిని, విష్ణువును దుర్గాదేవిని మనస్సులో కూడా పూజించనివాడు దేవలోకం నుండి కూడా పతనం అవుతాడు.

బ్రాహ్మణులు, క్షత్రియులు, వైశ్యులు మిగతావారు ఒకేసారి భోజనం చేసినప్పటికీ, వారు వేర్వేరుగా బ్రహ్మయజ్ఞం, అగ్నిహోత్రం, దేవతార్చన, మరియు సంధ్యావందనం వంటి నిత్యకర్మలను తప్పక ఆచరించాలి.

నవిష్ణ్వారాధనా త్పుణ్యం విద్యతేకర్మవైదికమ్ । తస్మాదనాదిమధ్యాంతం నిత్యమారాధయేద్ధరిమ్ ॥

​యోమోహాదథవాలస్యాదకృత్వా కేశవార్చనమ్ | భుక్త సయాతి నరకం శూకరేష్విహజాయతే ||

ఎవరైతే మోహంతో లేదా బద్ధకంతో  విష్ణువును పూజించకుండా భోజనం చేస్తారో, వారు నరకానికి వెళ్లి, ఆ తర్వాత పంది జన్మ ఎత్తుతారు.

విష్ణువును ఆరాధించడం కంటే గొప్పదైన పుణ్య కార్యమేదీ వైదిక కర్మలలో లేదు. కాబట్టి, ఆది, మధ్య, అంతం లేని ఆ హరిని  ప్రతిరోజు తప్పక ఆరాధించాలి.

పంచాయతనార్చనే ఫలవిశేషః 

యోగోజ్ఞానం యశస్సిద్ధిర్మహాదేవా దవాప్యతే। ఆరోగ్యం సాంప్రతం పుత్రం భాస్కరాత్రాప్నుయాధృవమ్ ||

మత్స్య పురాణే..

 ఆదిత్యస్య సదాపూజా తిలకస్వామినస్తథా | మహాగణపతేశ్చైవ కుర్వన్ సిద్ధిమవాప్నుయాత్ ॥

(తిలకస్యామీ - స్కందః) - యాజ్ఞవల్మ్యః ॥

ఆరోగ్యం భాస్కరాదిచ్చెద్ధనమిచ్ఛేదుతాశనాత్ | జ్ఞానంచ శంకరాదిచ్ఛే న్మోక్షమిచ్ఛే జ్జనార్దనాత్ ॥ - 

యోగోజ్ఞానం యశస్సిద్ధిర్మహాదేవా దవాప్యతే। ఆరోగ్యం సాంప్రతం పుత్రం భాస్కరాత్రాప్నుయాధృవమ్ ||

యోగం, జ్ఞానం, కీర్తి, సిద్ధి అనేవి మహాదేవుడి  అనుగ్రహం వల్ల లభిస్తాయి. ఆరోగ్యం, మంచి సంతానం సూర్యుడి అనుగ్రహం వల్ల తప్పక లభిస్తాయి.

యాజ్ఞవల్క్య వారు అంటారు

 సూర్యుడిని , స్కందుడిని, మరియు మహా గణపతిని ఎల్లప్పుడూ పూజించేవారు సిద్ధిని పొందుతారు.

ఆరోగ్యం కావాలంటే సూర్యుడిని , ధనం కావాలంటే అగ్నిని, జ్ఞానం కావాలంటే శంకరుడిని, మరియు మోక్షం కావాలంటే జనార్దనుడిని  ఆరాధించాలి.

యజేదేకం సహస్రాంశుం మోక్షకామో న సంశయః ॥

మోక్షం కోరుకునేవాడు సహస్రాంశుడిని (సూర్యుడిని) ఒక్కడినే పూజించాలి, ఇందులో ఏమాత్రం సందేహం లేదు.

భవిష్య పురాణే 

గతిమిష్టాం తథాకామం ప్రదదాతి త్రివిక్రమః | ధర్మార్ధకామమోక్షాణాం భాజనం విష్ణుపూజకః | సర్వాన్కామానవాప్నోతి సంపూజ్య విష్ణువల్లభామ్ ॥ యస్సదాపూజయేద్దుర్గాం ప్రణమేద్వాపి భక్తితః | స్వర్గరాజ్య మోక్షాణాం క్షిప్రం భవతి భాజనమ్ ||

విష్ణుదేవత కోరుకున్న గతిని, కోరికలను ప్రసాదిస్తాడు. విష్ణువును పూజించేవాడు ధర్మ, అర్థ, కామ, మోక్షాలు అనే నాలుగు పురుషార్థాలను పొందుతాడు.

శ్రీ మహావిష్ణువుకు ఇష్టురాలైన లక్ష్మీదేవిని పూజించడం ద్వారా సకల కోరికలను పొందవచ్చు.

ఎవరైతే దుర్గాదేవిని ఎల్లప్పుడూ పూజిస్తారో, లేదా భక్తితో నమస్కరిస్తారో, వారు త్వరగా స్వర్గాన్ని, రాజ్యాన్ని, మోక్షాన్ని పొందుతారు.

స్తుతా సంపూజితాపుష్పైర్గంధ ధూపాదిభిస్తథా | దదాతి విత్తంపుత్రాంశ్చ మతిం ధర్మే గతిం శుభామ్ || విఘ్నోనజాయతే తస్య యజేద్యస్తు వినాయకమ్ । మహాగణపతేః కర్మసిద్ధిం ప్రాప్నోతి మానవః ॥ సర్వంజగద్వశీకుర్యా న్మహాగణపతి స్సదా । స్వర్గాపవర్గ సంసిద్ధి ర్దుర్గాయాగా త్ప్రజాయతే ॥ మాతృగణాన్మహాసిద్ధిః సర్వేషామేవ జాయతే । లభతేధనధాన్యాని మర్త్యః పూజ్య హుతాశనమ్ ॥

పూలతో, గంధంతో, ధూపంతో పూజించబడిన మరియు స్తుతించబడిన దేవత ధనం, సంతానం, మంచి బుద్ధి, ధర్మంలో ఆసక్తి మరియు శుభమైన గతిని ప్రసాదిస్తుంది.

వినాయకుడిని పూజించేవాడికి విఘ్నాలు కలగవు. మహాగణపతిని ఆరాధించే మనిషి కార్యసిద్ధిని పొందుతాడు.

మహాగణపతిని నిత్యం ఆరాధించేవారు సమస్త లోకాన్ని తమ వశం చేసుకోగలరు. దుర్గాదేవిని పూజించడం ద్వారా స్వర్గం మరియు మోక్షం లభిస్తాయి.

మాతృగణాలను పూజించడం ద్వారా అందరికీ గొప్ప సిద్ధులు లభిస్తాయి. అగ్నిని పూజించే మనిషి ధనధాన్యాలను పొందుతాడు.

లింగే ఈశ్వరార్చనా :

అర్చయేత సదాదేవ మాపన్నోపి మహామునే । వరంప్రాణ పరిత్యాగః శిరసోవాపి కర్తనమ్ । నత్వసంపూజ్య భుంజీత భగవంతం త్రిలోచనమ్ | యో నపూజయతే భక్త్యా లింగే త్రిభువనేశ్వరమ్ ॥ లింగే దేవోమహాదేవః సర్వదేవ నమస్కృతః । అనుగ్రహాయలోకానాం తస్మాన్నిత్యం ప్రపూజయేత్॥ భవిష్యపురాణే ॥

ఓ మహామునీ, ఆపదలో ఉన్నప్పటికీ నిత్యం ఆ మహాదేవుడిని పూజించాలి. త్రిలోచనుడు మూడు కన్నులు గల శివుడిని పూజించకుండా భోజనం చేయడం కంటే ప్రాణాలను త్యాగం చేయడం లేదా శిరస్సును ఖండించుకోవడం మేలు.

భక్తితో లింగంలో ఉన్న త్రిభువనేశ్వరుడిని (మూడు లోకాలకు అధిపతి అయిన శివుడిని) ఎవరైతే పూజించరో, వారు పాపాత్ములు. లింగంలో ఉన్న ఆ మహాదేవుడు సమస్త దేవతలచే నమస్కరించబడేవాడు. లోకాలకు అనుగ్రహం కలిగించడం కోసం ఆయన లింగ రూపంలో ఉన్నాడు, కాబట్టి నిత్యం ఆయన్ని పూజించాలి.

లింగ పురాణే 

ఆకాశం లింగమిత్యాహుః పృథివీతస్యపీఠికా । ఆలయ స్సర్వభూతానాం లయనాల్లింగముచ్యతే |॥

 లింగేతుపూజితం సర్వమర్చితం స్యాచ్చరాచరమ్ | తస్మాత్సదా ర్చనం కార్యం లిఙ్గస్య సుమహాత్మనః ||

స్కంద పురాణే

 వరం ప్రాణపరిత్యాగ శ్శిరసోవాపి కృంతనమ్ | నచైవాపూజ్య భుంజీత శివలింగే మహేశ్వరమ్ ॥

ఆకాశమే లింగం అంటారు. భూమి దాని పీఠం. ఇది అన్ని భూతాలకు లేక జీవులకు నివాసం. సర్వమూ దానిలో లయమవుతుంది కాబట్టి దీనిని లింగం అని పిలుస్తారు. 

లింగంలో ఉన్న మహాదేవుడిని పూజిస్తే, చరాచరాలన్నింటినీ పూజించినట్లే అవుతుంది. కాబట్టి, ఆ గొప్ప లింగాన్ని ఎల్లప్పుడూ పూజించాలి. 

మహేశ్వరుడిని పూజించకుండా భోజనం చేయడం కంటే ప్రాణాలను త్యాగం చేయడం లేదా శిరస్సును కోసుకోవడం మేలు.

సనాతన ధర్మం లోని వారు ప్రతివారు ఆచరించవలసిన అత్యుత్తమ విధానం ఈ పంచాయతన అర్చన , విగ్రహ మూర్తులు లేక  పై లాంటివి లభించిన వారు శిలామూర్తులు గ్రహించవచ్చు .

ఎవరికి వారు వారి అర్హతను బట్టి పురాణోక్తంగా లేక వేదోక్తంగా దేవత ఆరాధనలు చేయవలసి ఉంటుంది 

కర్మ ప్రభావం వల్ల ఎన్నో కష్టాలు చూసిన వారు సైతం ఇది అనుసరించు వారికి దైవానుగ్రహం వల్ల శాంతి సంపదలు సమస్త అభీష్టాలు నెరవేరగలవు.

💐💐*మహాదేవ మహాదేవ మహాదేవ*💐💐

🙏🙏🙏🙏*రాళ్ళబండి శర్మ* 🙏🙏🙏🙏