శ్రీ పార్వతి వల్లభ నీలకంఠాష్టకం..

 శ్రీ పార్వతి వల్లభ నీలకంఠాష్టకం..

నమో భూతనాథం నమో దేవదేవం

నమః కాలకాలం నమో దివ్యతేజమ్ |

నమః కామభస్మం నమశ్శాంతశీలం

భజే పార్వతీవల్లభం నీలకంఠమ్ ౧

సదా తీర్థసిద్ధం సదా భక్తరక్షం

సదా శైవపూజ్యం సదా శుభ్రభస్మమ్ |

సదా ధ్యానయుక్తం సదా జ్ఞానతల్పం

భజే పార్వతీవల్లభం నీలకంఠమ్ ౨

శ్మశానం శయానం మహాస్థానవాసం

శరీరం గజానాం సదా చర్మవేష్టమ్

పిశాచం నిశోచం పశూనాం ప్రతిష్ఠం

భజే పార్వతీవల్లభం నీలకంఠమ్ ౩

ఫణీనాగకంఠే భుజంగాద్యనేకం

గళే రుండమాలం మహావీర శూరమ్ |

కటివ్యాఘ్రచర్మం చితాభస్మలేపం

భజే పార్వతీవల్లభం నీలకంఠమ్ ౪

శిరశ్శుద్ధగంగా శివా వామభాగం

బృహద్దీర్ఘకేశం సదా మాం త్రిణేత్రమ్ |

ఫణీనాగకర్ణం సదా ఫాలచంద్రం

భజే పార్వతీవల్లభం నీలకంఠమ్ ౫

కరే శూలధారం మహాకష్టనాశం

సురేశం వరేశం మహేశం జనేశమ్

ధనేశామరేశం ధ్వజేశం గిరీశం

భజే పార్వతీవల్లభం నీలకంఠమ్ ౬

ఉదాసం సుదాసం సుకైలాసవాసం

ధరానిర్ధరం సంస్థితం హ్యాదిదేవమ్ |

అజాహేమకల్పద్రుమం కల్పసేవ్యం

భజే పార్వతీవల్లభం నీలకంఠమ్ ౭

మునీనాం వరేణ్యం గుణం రూపవర్ణం

ద్విజైస్సంపఠంతం శివం వేదశాస్త్రమ్ |

అహో దీనవత్సం కృపాలం శివం హి [ మహేశం ]

భజే పార్వతీవల్లభం నీలకంఠమ్ ౮

సదా భావనాథం సదా సేవ్యమానం

సదా భక్తిదేవం సదా పూజ్యమానమ్ |

మయా తీర్థవాసం సదా సేవ్యమేకం

భజే పార్వతీవల్లభం నీలకంఠమ్ ౯

ఇతి శ్రీమచ్ఛంకరయోగీంద్ర విరచితం పార్వతీ వల్లభాష్టకమ్..