హనుమజ్జయంతి ప్రత్యేకం

   హనుమజ్జయంతి ప్రత్యేకం 

వైశాఖేమాసి క్రిష్ణాయాం

దశమ్యాం మందవాసరే

పుార్వాభాద్రా ప్రభుాతాయ

మంగళమ్ శ్రీ హనుామతే

🙏హనుమజ్జయంతి శుభాకాంక్ష లతో🙌

1. హనుమ - జననం - పొందిన వరాలు 

        హనుమంతుని తండ్రి పేరు కేసరి. 

        అంజన ఆ కేసరి యొక్క భార్య. 

        అంజన యొక్క కుమారుడు ఆంజనేయుడు. 

        హనుమంతుడు, అంజనాదేవి గర్భాన -  వాయుదేవుడు - శివతేజస్సును ప్రవేశపెట్టడం వలన జన్మించాడు. అందుచేత పవనతనయుడు, మారుతి నందనుడు వంటి పేర్లు కలిగియున్నాడు.

🙏హనుమ పొందిన వరాలు: 

     

        శిశువుగా ఉన్నప్పుడే, ఆకలి కలిగియున్నప్పుడు,

        సూర్యుని ఫలమనుకొని, పొందుటకు ఎగరడం, 

        సూర్యునివద్డ హనుమను చూచి, రాహువు ఇంద్రునికి ఫిర్యాదు వంటి సందర్భాలలో, 

        ఇంద్రుడు వచ్చి వజ్రాయుధం ప్రయోగించడం సంభవించింది. 

        అప్పుడు వజ్రాయుధం ఆంజనేయుని దౌడ(హనుమ)కు తగిలి, స్వామి నిర్జీవుడై పడిపోవడం జరిగింది. 

        అదిచూసి, వాయుదేవుడు సకల జీవరాశి నుంచి బయటకు వచ్చి సమ్మె చేశాడు. 

        అదితెలిసి, బ్రహ్మదేవుడు 

 - దేవతలతో వచ్చి, ఆంజనేయుని పునర్జీవితుని చేశాడు. 

 - వాయువుకి సంతోషం కలిగించడానికీ, 

   భవిష్యత్తులో దేవతల గొప్పకార్యాన్ని మారుతి నిర్వహించడానికీ, దేవతలందఱినీ మారుతికి వరాలిమ్మన్నాడు. అప్పుడు, 

1. ఇంద్రుడు: 

      బంగారు పద్మహారమునిచ్చి, 

      హనుమ అని నామమిడి, 

      తన వజ్రాయుధము వలన ఏ హానీ కలుగదన్నాడు. 

2. సూర్యుడు: 

        తన తేజస్సులో నూఱోవంతు ఇస్తున్నాననీ, 

        శైశవ దశనించీ విద్యార్జన స్థితి రాగానే, సకల శాస్త్ర జ్ఞానాన్నీ కలిగిస్తాననీ, 

        తద్వారా వాక్చతురుడు కాగలడనీ, 

        శాస్త్రజ్ఞానమందు హనుమతో సరితూగగలవాడు మరొకడుండడనీ అన్నాడు. 

3. వరుణుడు: 

        తన పాశము వలనగానీ, జలములవలనగానీ, 

        లక్షలకొలది సంవత్సరాల వరకూ మృత్యుభయం ఉండకుండా వరమిచ్చాడు. 

4. యముడు: 

        తన దండము వలన మృత్యువు కలగదనీ, 

        ఎల్లప్పుడూ ఆరోగ్యభాగ్యాలతో వర్ధిల్లుతాడనీ, 

        యుద్ధమునందు విషాదగ్రస్తుడు కాడనీ మారుతికి వరాలొసగాడు. 

5. కుబేరుడు:  

         సమరమునందు తన గద ఆంజనేయునికి ఎట్టి ఆపదను కలిగించదన్నాడు. 

6. శంకరుడు: 

         తన వలన గానీ, శూల పాశుపతాస్త్రాది తన ఆయుధాల వలనగానీ హనుమ వధ్యుడు కాడని వరమనుగ్రహించాడు. 

7. విశ్వకర్మ: 

           తాను నిర్మించిన దివ్యశస్త్రములలో ఏ ఒక్కటైననూ రణమందు వధింపజాలదనీ, 

           చిరంజీవి అవుతాడనీ హనుమకి వరాలిచ్చాడు. 

8. బ్రహ్మ: 

            ఏ బ్రహ్మదండంచేతనూ వధ్యుడు కాడనీ, 

            దీర్ఘాయువనీ మారుతికి వరాలిచ్చి, 

            వాయుదేవునితో మారుతిని గూర్చి 

            శత్రువులను గడగడలాడించగలడనీ, 

            మిత్రులకు అభయప్రదాత అవుతాడనీ, 

            యుద్ధంలో శత్రువులకు అజేయుడై వర్ధిల్లుతాడనీ, 

             కోరుకొన్న రూపాలను పొందగలడనీ, 

             ఇష్టానుసారంగా అంతటా - వేగంగానూ, నెమ్మదిగానూ సంచరింపగలడనీ, 

             చిరస్థిరకీర్తితో వర్ధిల్లగలడనీ, 

             యుద్ధమునందు అతడొనర్చే వీరోచిత సాహసాద్భుతకృత్యాలన్నీ రావణ సంహారానికి కారకాలవుతూ, అవి రామునకు ప్రియము గూర్చుననీ, 

              లోకాలకు రోమాంచమునూ సంతోషాన్నీ కలిగిస్తాయనీ పేర్కొన్నాడు. 

       ఆ విధంగా సకల వరాలూ పొందిన శిశువైన మారుతిని, వాయుదేవుడు అంజనాదేవి వద్దకు తీసుకువచ్చి, ఆమెకు అప్పగించి, వరాలగూర్చి వివరించి వెళ్ళాడు.

       జాంబవంతుడు హనుమ శక్తిని పొగిడి సముద్రలంఘనం చేయించాడు. 

    మనం కూడా స్వామిని స్తుతిస్తే సకల శుభాలూ కలిగిస్తాడు.   

    ప్రతిరోజూ ఆరాధిస్తూ, 

    అత్యంత  విశిష్టత కలిగిన 'హనుమజ్జయంతి" అయిన ఈరోజు ప్రత్యేకంగా 

    సకల శాస్త్ర పారంగతుడూ, సర్వశక్తిమంతుడూ,శ్రీ రామపాదసేవాదురంధరుడుా అయిన హనుమని సేవిద్దాం. 

    మన జీవిత లక్ష్యాలు నెరవేర్చుకొందాం. 

మరిన్ని మంచి విషయాల మరల తెలుసుకొందాం🙏

       🙏జై శ్రీ రామ్ 🙏

       🙏జై హనుమాన్ 🙏