ఏ కళ్యాణం లో అయినా వధూవరులను ఆశీర్వదించేటప్పుడు.... ఈ క్రింది శ్లోకం చదువుతూ, అక్షతలు శిరస్సులపై వేస్తాము

ఏ కళ్యాణం లో అయినా  వధూవరులను ఆశీర్వదించేటప్పుడు....

ఈ క్రింది శ్లోకం చదువుతూ, అక్షతలు శిరస్సులపై వేస్తాము.

లక్ష్మీనారాయణా గౌరీశంకరౌ భారతీవిధీ |

   ఛాయాసూర్యౌ రోహిణీందూ రక్షేతాం చ వధూవరౌ ||                                                   

🏵లక్ష్మీనారాయణులు,

🏵గౌరీశంకరులు,

🏵భారతీబ్రహ్మలు,

🏵ఛాయాసూర్యులు,

🏵రోహిణీచంద్రులు     

 🌹అనే ఐదు దేవ దంపతులూ...ఈ వధూవరులను రక్షించుగాక!  అని సందేశం🌹.

🌹1. లక్ష్మీదేవి నారాయణుని వక్షస్థలమందు       (హృదయమందు) ఉంటుంది.

       అంటే భార్యని గుండెల్లో పెట్టుకునే భర్త.

భర్త హృదయమెరిగి ప్రవర్తించే భార్య కలసిఉండిన దాంపత్యం.

🌹2.గౌరీశంకరులు అర్ధనారిశ్వరులు.

             ఆలోచన-మాట - చేత కలిసే ఉంటాయి.

    ప్రకృతి స్వరూపిణియైన శ్రీమాత గంధం, పట్టువస్త్రాలు,

          స్వర్ణాభరణాలతో ప్రకాశిస్తూంటుంది.

పురుషుడైన శివుడు భస్మం, చర్మం, పాములతో విలక్షణంగా

ఉంటూ, తన భాగమైన భార్యని ప్రకృతిగా చక్కగా చూస్తాడు.

🌹3. భారతీ బ్రహ్మల దాంపత్యంలో

         బ్రహ్మ నాలుకపై సరస్వతీదేవి ఉండి పలుకుతుంది.

🌹4. ఛాయాసూర్యులలో

   సూర్యుడు చిటపటలాడుతుంటే, 

    ఛాయాదేవి ఆయనని వెన్నంటియుండి సేవచేస్తుంది.

🌹5. రోహిణీచంద్రుల దాంపత్యంలో

          రోహాణీ కార్తెలా భార్య ఉంటే, 

  వెన్నెలతోపాటు చల్లదనాన్నిస్తూ భర్త చంద్రుడులా వుంటాడు.

  🌹🍀🌹🍀🌹