గంగా ద్వాదశ నామాలు

 గంగా ద్వాదశ నామాలు

 గంగానదీ తీరాన -  పుష్కరస్నానం చేయడానికి వీలుపడని పక్షంలో మరేదైనా నదిలో కానీ, కాలువలో లేదా చెరువులో కానీ, అదీ కుదరకపోతే ఇంటిలోని బావి వద్ద గంగా స్తోత్రం చేస్తూ,  భక్తిశ్రద్ధలతో చేయాలి._

స్నానం చేసేటప్పుడు ఈక్రింది శ్లోకం చదవాలి_

‘‘మమ ఏతజ్జన్మ జన్మాంతర సమూద్భూత పాపక్షయ ద్వారా శ్రీ పరమేశ్వర ప్రీత్యర్థం పుష్కర మహాపర్వ నిమిత్తం స్నాన మహం కరిష్యే!’’

- అని సంకల్పం చెప్పుకొని స్నానం చేయాలి. 

 స్నానం చేశాక - పితృ తర్పణాలు , నిత్యానుష్ఠానాలను యథావిధిగా నిర్వర్తించాలి. తరువాత తీర్థ పూజ చేయాలి. పూజలో 

‘‘నమశ్శివాయై, నారాయణ్యై , దశపాపహరాయై , గంగాయై!’’ 

అనే మంత్రం చెబుతూ నారాయణుణ్ణీ , రుద్రుణ్ణీ , బ్రహ్మనూ , సూర్యుణ్ణీ , భగీరథుణ్ణీ , హిమవంతుణ్ణీ ఆవాహన చేసి, పూజించాలని శాస్త్రవచనం. 

గంగామాత ద్వాదశనామాలు

‘‘నందినీ, నళినీ, సీతా, మాలినీ, మహాపగా, విష్ణు పాదాబ్జ సంభూతా, గంగా,  త్రిపథగామినీ,  భాగీరథీ, భోగవతీ, జాహ్నవీ,  త్రిదశేశ్వరి’’

 అనే పన్నెండు నామాలను తలచుకుంటూ అందుబాటులో ఉన్న జలవనరులలో మునకలు వేస్తే - గంగానదీ స్నానాన్నీ , వ్రతాన్నీ నిర్వహించగా ప్రాప్తించే ఫలానికి సమానమైన ఫలం పొందుతారని శాస్త్రం చెబుతోంది.