మైసూర్ సాండల్ సబ్బు భారతీయ చరిత్రలో అంతర్భాగం. మన వారసత్వ సంపదకు నిదర్శనం. వందేళ్ల క్రితం నుంచి తయారవుతున్న ఈ సోప్లకు భారతీయుల మనసుల్లో ప్రత్యేకమైన స్థానం ఉంటుంది. గంధం వాసనతో మైసూర్ సాండల్ అద్భుమైన సువాసనలు వెదజల్లుతుంది. అనేక ఫ్రాగ్రెన్స్లో వినియోగదారులకు అందుబాటులో ఉంటోంది. అయితే మైసూర్ సాండల్ ప్రయాణం గురించి ఇప్పుడు తెలుసుకుందాం.
1916 మేలో మైసూరు మహారాజు రాజా వడియార్, మైసూర్ దివాన్ మోక్షగుండం విశ్వేశ్వరయ్య.. ప్రభుత్వ గంధపు ఆయిల్ ఫ్యాక్టరీని మైసూర్లో నెలకొల్పారు.మొదటి ప్రపంచ యుద్ధం తర్వాత భారీ ఎత్తున మిగిలిపోయిన గంధపు చెక్కలను వినియోగించుకోవాలనే ఉద్దేశంతో ఈ ప్రాజెక్టు చేపట్టారు
అప్పటికి గంధపు చెక్కల ఎగుమతుల్లో మైసూర్ రాజ్యం ప్రపంచంలోనే అగ్రస్థానంలో ఉండేది.
రెండేళ్ల తర్వాత మహారాజుకు కొన్ని సోప్లు బహుమతిగా వచ్చాయి. అప్పుడు మనం ఎందుకు సబ్బులు తయారు చేయకూడదని అనుకున్నారు. వెంటనే దివాన్ విశ్వేశ్వరయ్యకు విషయం చెప్పారు. అప్పుడు రాష్ట్రంలో పారిశ్రామిక అభివృద్ధిపై ఒప్పందం చేసుకొని వెంటనే పనులు ప్రారంభించారు.
ప్రజలకు తక్కువ ధరలోనే నాణ్యమైన సబ్బులను అందించాలని విశ్వేశ్వరయ్య అనుకున్నారు. బాంబేలోని ఇండియన్ ఇన్స్టిట్యూట్ ఆఫ్ సైన్సెస్(ఐఐఎస్సీ) నుంచి టెక్నికల్ ఎక్స్పర్ట్స్కు స్వాగతం పలికారు. యువ ప్రతిభావంతుడైన సోలే గరలపూరి శాస్త్రిని ఇంగ్లండ్ పంపి సబ్బుల తయారీ పరిశీలించి రావాలని పురమాయించారు. విశ్వేశ్వరయ్య కలను సాకారం చేయడంలో గరలపూరి ఎంతో కీలకపాత్ర పోషించారు.
ఎంతో వేగంగా బెంగళూరులోని కేఆర్ సర్కిల్లో సోప్ ఫ్యాక్టరీని ఏర్పాటు చేసి అదే ఏడాది మైసూర్ సాండల్ సబ్బులను ఉత్పత్తి చేశారు. మార్కెట్లోకి వచ్చాక మైసూర్ శాండల్కు విశేష ఆదరణ దక్కింది. దేశ వ్యాప్తంగా మంచి గిరాకీ వచ్చింది. 1944లో శివమొగ్గలో మరో యూనిట్ను నెలకొల్పారు.ఆ తర్వాత సబ్బు రూపు, ప్యాంకింగ్ను శాస్త్రి మరింత ఆకర్షణీయంగా చేశారు. దీర్ఘ చతురస్రాకారంలో ఉన్న సోప్ షేప్ ను దీర్ఘ వృత్తాకారంలోకి ప్రత్యేకంగా మార్చారు. ప్యాంకింగ్ సైతం విభిన్నంగా, ఆకర్షణీయంగా ఉండేలా చర్యలు తీసుకున్నారు.
1980లో ప్రభుత్వ శాండల్ వుడ్ ఆయిల్ ఫ్యాక్టరీకి కర్ణాటక సోప్స్ అండ్ డిటర్జెంట్ లిమిడెట్గా పేరు మార్చారు. 2006లో మైసూర్ సాండల్ సోప్, మైసూర్ శాండల్వుడ్ ఆయిల్కు జియో గ్రాఫికల్(జీఐ) ట్యాగ్ వచ్చింది. 85 శాతం మైసూర్ శాండల్ సబ్బులు ప్రస్తుతం కర్ణాటక, ఆంధ్రప్రదేశ్, తమిళనాడులోనే అమ్ముడవుతున్నాయి.
ఇక మైసూర్ శాండల్ సోప్ లోగోకు సైతం ఎంతో ప్రత్యేకత ఉంది. సింహం శరీరం, ఏనుగు తలతో పురాణాల నేపథ్యంలో ఈ లోగో ఉంటుంది.
చెప్పాలంటే గజకేసరీ యోగం అని అటువంటి లోగో తయారు చేసి పెట్టారు
No comments:
Post a Comment